Kieli Tabigat: elimizde ekologııalyq aktsııa ótti

Elimizdiń barlyq óńirinde «Kieli Tabigat» ekologııalyq aktsııasy ótti, dep habarlaıdy QazAqparat Mádenıet jáne aqparat mınıstrligi saıtyna silteme jasap.

Qazaqstan Respýblıkasy Mádenıet jáne aqparat mınıstrliginiń bastamasymen 16 qyrkúıek kúni elimizdiń barlyq óńirinde sakraldy nysandardy jáne ulttyq tabıǵat parkteriniń aýmaǵyn tazalaýǵa baǵyttalǵan «Kieli Tabigat» respýblıkalyq ekoaktsııasy bastaý aldy.

Ekoaktsııaǵa 2 myńnan astam adam qoldaý bildirip, qatysty. Atap aıtsaq, mádenıet salasynyń qaıratkerleri Leılo Beknazar, Qurmash Mahanov, Asylhan Shalharov, Ámire Ahmedıarov, Rýhııa Baıdýkenova, Syrymtaı Ensepov, Zarına Altynbekova.

Respýblıkalyq jastar uıymdarynan: Assambleıa jastary, Qazaqstan stýdentter Alıansy, «Jas Ulan» biryńǵaı balalar men jasóspirimder uıymy, jastar resýrstyq ortalyqtary, sonymen qatar barlyq óńirde mádenıet salasynyń qaıratkerleri jáne estrada juldyzdary qatysty.

Ekoaktsııa aıasynda tazalaý jumystary elimizdiń kıeli, sakraldy nysandary: Qoja-Ahmet ıAsaýı kesenesi, Aısha-Bıbi kesenesi, «Syǵanaq» qalashyǵy, «Bozoq» qalashyǵy jáne Sharyn, Qarqaraly, Baıanaýyl, Býrabaı, Ulytaý ulttyq tabıǵı parkteri men memorıaldy keshenderinde ótkizildi.

Aktsııanyń maqsaty – halyq arasynda ekologııalyq mádenıetti qalyptastyrý, sakraldy jáne ulttyq tabıǵı parkter, tarıhı-mádenı oryndarda ózin durys ustaý ekologııalyq mádenıetin damytý.