QFF-nyń ádep kodeksine ózgerister men tolyqtyrýlar engizildi

Astanadaǵy fýtbol úıinde Qazaqstan fýtbol federatsııasy Atqarý komıtetiniń kezekten tys otyrysy ótti. Bul týraly Kazinform QFF-nyń baspasóz qyzmetine silteme jasap habarlaıdy. 

Otyrystyń kún tártibinde Qazaqstan fýtbol federatsııasynyń ádep kodeksine ózgerister men tolyqtyrýlar engizý, fýtbol klýbtaryn týrnırge qatysýǵa lıtsenzııalaý erejeleri, fýtboldan áıelder arasyndaǵy jarystardyń qorytyndysyn bekitý jáne taǵy basqa máseleler qaraldy. 

Bekitilgen kún tártibine sáıkes atqarý komıteti QFF ádep kodeksine ózgerister men tolyqtyrýlar engizý jáne ony jańa redaktsııada bekitý týraly sheshim qabyldady. 

Sonymen qatar 2023 jylǵy maýsymdaǵy fýtboldan áıelder  arasyndaǵy Qazaqstan chempıonatynyń qorytyndy esebin bekitý týraly sheshim shyǵaryldy. Sondaı-aq bıylǵy maýsymǵa arnalǵan fýtboldan 19 jasqa deıingi jas sanatyndaǵy qyzdar arasyndaǵy Qazaqstan chempıonatynyń qorytyndy esebi bekitildi.