Kene entsefalıti: qalaı saqtanýǵa bolady

ASTANA. KAZINFORM — Keneler únemi aýrýdyń tasymaldaýshysy bola bermeıdi. Kóp jaǵdaıda olardyń shaǵýy zııansyz, biraq keıbireýleri ártúrli aýrýlardy, sonyń ishinde kene entsefalıtin tasymaldaýy múmkin.

Kene entsefalıti kelesideı beriledi:

- vırýs juqtyrǵan ıksod kenesi jabysqan kezde;
- kenelerdiń jappaı shabýyly kezinde eshki, qoı, sıyrdyń shıki sútinde sırek jaǵdaıda vırýs bolýy múmkin;
- keneni janshyǵanda nemese shaqqan jerin qasyǵanda.

Kene entsefalıti aýrýynyń belgileri: jalpy álsizdik, bastyń aýrýy, júrektiń aınýy, qusý, tábettiń tómendeýi, dene temperatýrasynyń joǵarylaýy, kene shaqqan jerde gıperemııa.

Kene entsefalıtiniń profılaktıkasy:

Tabıǵatta demalý kezinde, saıajaıda mynalar qajet:

uzyn jeńdi jeıde kıip, ony shalbarǵa, al shalbardy shulyqqa salyńyz. Bas pen moıyndy oramalmen, kapıýshonmen jabyńyz;
kıim men deneńizdi tekserip turyńyz;
deneniń ashyq jerleri men kıimderdi repellenttermen óńdeńiz;
kene shaǵyp alǵan jaǵdaıda medıtsınalyq uıymǵa júginińiz.
medıtsınalyq kómekke júginý múmkindigi bolmaǵan kezde keneni ózińiz alyp tastańyz (kenege bir tamshy maı tamyzyp, pıntsetpen nemese jippen qozǵap, birtindep alyńyz;

Eger tumsyǵy teride qalsa, ony tiken sııaqty alyp tastańyz, shaqqan jerge ıod jaǵyp, qolyńyzdy muqııat jýyńyz).

Aıta ketelik SQO-da kóktemniń erte kelýimen turǵyndardy kene shaǵa bastaǵany týraly jazǵan edik.