Qazaqstanda apta ishinde bolǵan kadrlyq taǵaıyndaýlar

QR Týrızm jáne sport mınıstrligi janyndaǵy óńirlik basqarma basshylaryn taǵaıyndaý jónindegi komıssııanyń sheshimimen Qaraǵandy oblysynyń dene shynyqtyrý jáne sport basqarmasynyń basshysy laýazymyna Nurken Nuratov keldi.

Nurken Nuratov Qazaq sport jáne týrızm akademııasyn «dene shynyqtyrý jáne sport» mamandyǵy boıynsha támamdap, osy baǵytta pedagogıka ǵylymdarynyń magıstri dárejesin alǵan. Ol óziniń eńbek jolyn 2007 jyly bastap, ár jyldary dzıýdo boıynsha jattyqtyrýshy, Ortalyq sport klýbynyń sport komıteti fılıalynda jattyqtyrýshy-oqytýshy, sondaı-aq № 9 balalar-jasóspirimder sport mektebinde stendtik atý boıynsha jattyqtyrýshy bolyp qyzmet etti. Sonymen qatar maman Astana qalasy Týrızm, dene shynyqtyrý jáne sport basqarmasyna qarasty gandbol klýbynda jattyqtyrýshy retinde tájirıbe jınaqtaǵan.

Tájirıbeli kadr basshylyq laýazymdarda da jemisti eńbek etip, Almaty oblysyndaǵy «Jetisý-Suńqar» kásibı fýtbol klýby dırektorynyń orynbasary, Qapshaǵaı qalasyndaǵy oblystyq balalar-jasóspirimder sport mektebiniń dırektory, sondaı-aq oblystyq joǵary sport sheberligi mektebiniń basshysy qyzmetterin abyroımen atqardy.
Qaraǵandy oblysyndaǵy jańa qyzmetine taǵaıyndalǵanǵa deıin ol Almaty oblysynyń Olımpıadalyq rezervterdi daıarlaý ortalyǵyn basqaryp kelgen bolatyn.

Jambyl oblysynda da kadrlyq ózgerister boldy. Taraz qalasy ákiminiń orynbasary laýazymyna Damır Jamanbaev taǵaıyndaldy. Qala ákiminiń 2026 jylǵy 28 sáýirdegi ókimimen jańa qyzmetine kirisken ol budan bylaı shahardaǵy kommýnaldyq sharýashylyq, kógaldandyrý, kólik, turǵyn úı jáne jer qatynastary, sondaı-aq qurylys pen sáýlet suraqtaryna jetekshilik etetin bolady.

Damır Ismaılbekuly 1985 jyly Jambyl oblysy Jýaly aýdanynda dúnıege kelgen. Ol 2009 jyly Jambyl gýmanıtarlyq-tehnıkalyq ýnıversıtetin «Kásiptik oqytý» mamandyǵy boıynsha, al 2011 jyly Taraz tehnıkalyq ınstıtýtyn «Ónerkásiptik jáne azamattyq qurylys tehnologııasy» mamandyǵy boıynsha támamdaǵan.

Tájirıbeli maman óziniń eńbek jolyn 2012 jyly Jambyl aýdany ákimdiginiń sáýlet, qala qurylysy jáne qurylys bóliminde is qaǵazdaryn júrgizý jónindegi ınspektor bolyp bastap, keıin osy bólimniń bas mamany qyzmetine joǵarylaǵan. Ol memlekettik qyzmettegi kásibı biliktiligin Qordaı, Talas jáne Jambyl aýdandary ákimdikterinde sáýlet, qala qurylysy jáne qurylys bóliminiń basshysy retinde shyńdady. Damır Jamanbaev 2024 jyldan bastap búgingi taǵaıyndaýǵa deıin Taraz qalasy ákimdiginiń qurylys bólimin basqaryp, shahardyń ınfraqurylymdyq damýyna tikeleı atsalysyp keldi.

Saılaý qorytyndysy boıynsha Talǵar qalasynyń ákimi bolyp Nurhan Ádilhan Leshanuly saılandy. Bul týraly Talǵar aýdanynyń ákimdigi habarlady.

Ádilhan Nurhan 1981 jyly 23 jeltoqsanda Jambyl oblysy, Taraz qalasynda dúnıege kelgen. Bilimi joǵary. M. H. Dýlatı atyndaǵy Taraz ýnıversıtetin «quqyqtaný», sondaı-aq «qarjy jáne ekonomıka» mamandyqtary boıynsha támamdaǵan.

Ár jyldary Jambyl oblysy boıynsha ekonomıkalyq jáne sybaılas jemqorlyqqa qarsy kúres organdarynda, Talǵar aýdandyq Ádilet basqarmasynda, Almaty oblysy Ádilet departamentinde basshylyq qyzmetter atqarǵan. Sonymen qatar memlekettik jáne jeke sektorda jaýapty laýazymdarda eńbek etken.

Sonymen qatar Soltústik Qazaqstan oblysynda QR Saýda jáne ıntegratsııa mınıstrligi apparaty basshysynyń buıryǵymen Saýda jáne tutynýshylardyń quqyqtaryn qorǵaý departamentiniń basshysy laýazymyna Ǵalymjan Ilıasov taǵaıyndaldy.

Ǵalymjan Moldabaıuly 1970 jyly Ońtústik Qazaqstan oblysynda dúnıege kelgen. Onyń bilim joly K. I. Skrıabın atyndaǵy Máskeý memlekettik veterınarlyq medıtsına jáne bıotehnologııa akademııasymen («Zootehnııa» mamandyǵy), sondaı-aq Qoja Ahmet ıAsaýı atyndaǵy Halyqaralyq qazaq-túrik ýnıversıtetimen («Memlekettik jáne jergilikti basqarý» mamandyǵy) tyǵyz baılanysty.

Jańa basshynyń eńbek ótili memlekettik basqarýdyń túrli deńgeılerin qamtıdy. Ol óziniń kásibı jolyn Ońtústik Qazaqstan oblysy Qazyǵurt aýdanynyń jastar isi, týrızm jáne sport bóliminde bas maman retinde bastap, keıin osy bólimniń tizginin ustady.

Tájirıbeli kadr ár jyldary aýyldyq okrýg jáne aýdan ákimi, oblys ákimi apparatynyń bas ınspektory sekildi jaýapty qyzmetterdi atqaryp, óńirlik damý máselelerine qanyqty. Sondaı-aq, aýyl sharýashylyǵy basqarmasy basshysynyń orynbasary jáne Shymkent qalasynyń jaıly qalalyq ortany damytý basqarmasynyń basshysy laýazymdarynda jemisti eńbek etti.

Ǵalymjan Ilıasov Soltústik Qazaqstan oblysyna kelgenge deıin Astana qalasy boıynsha Saýda jáne tutynýshylardyń quqyqtaryn qorǵaý departamentin basqaryp, saýda saıasaty men tutynýshylar múddesin qorǵaý baǵytynda mol tájirıbe jınaqtaǵan.

Al Energetıka mınıstrliginde Munaı óndirý jáne ıgerý departamentiniń dırektory taǵaıyndaldy. Bul týraly vedomstvonyń baspasóz qyzmeti habarlaǵan bolatyn.

Álibek Ábilov 1989 jyly dúnıege kelgen. 2011 jyly University of Tulsa ýnıversıtetin «Munaı ınjenerııasy (Munaı isi)» mamandyǵy boıynsha, 2013 jyly Qaraǵandy ekonomıkalyq ýnıversıtetin «Qarjy» mamandyǵy boıynsha, 2021 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn «Memlekettik jáne jergilikti basqarý» mamandyǵy boıynsha bitirgen.

Eńbek jolyn AQSh-tyń Talsa qalasynda ornalasqan «Marjo Operating» LLC (JShS) kompanııasynda munaı barlaý jónindegi shtattan tys maman laýazymynda bastaǵan.

Ár jyldary KMG Rompetrol (Býharest q.), «QazMunaıGaz» AQ, «SONI Masterplan» (Romariculture) Srl (Rýmynııa) kompanııalarynda jumys istegen, sondaı-aq «Samuryq-Qazyna Óńdeý» JShS aktıvterdi basqarý departamentiniń dırektory qyzmetin atqarǵan.

Qazaqstan Respýblıkasy Prezıdenti Ákimshiliginiń kelisimimen jáne Іshki ister mınıstriniń buıryǵyna sáıkes QR ІІM Ulttyq ulanynda birqatar strategııalyq taǵaıyndaýlar júzege asyryldy. Іshki ister mınıstriniń orynbasary — Ulttyq ulannyń Bas qolbasshysy, general-maıor Ańsaǵan Baltabekov jańa basshylardy jeke quramǵa tanystyrdy.

Ulttyq ulan Bas qolbasshysynyń orynbasary laýazymyna general-maıor Bekaıdar Qazkeev taǵaıyndaldy.

 Ol quqyqtyq tártip áskerleri júıesinde 1991 jyldan beri qyzmet etip kele jatqan mol tájirıbeli ofıtser. Óz qyzmet jolynda túrli jaýapty laýazymdardy abyroımen atqaryp, «Jaýyngerlik erligi úshin» medalimen marapattalǵan. 2023 jyldan bastap búgingi taǵaıyndaýǵa deıin Ulttyq ulannyń «Batys» óńirlik qolbasshylyǵyn basqarǵan bolatyn.

Sonymen qatar «Ortalyq» óńirlik qolbasshylyǵynyń tizgini polkovnık Nurlan Muhamedovke senip tapsyryldy. 1996 jyldan beri Ulttyq ulan qatarynda áskerı qyzmet atqaryp kele jatqan ol ІІ dárejeli «Aıbyn» ordeniniń ıegeri. Nurlan Muhamedov ár jyldary jedel basqarý jáne qolbasshylyq salasynda úlken tájirıbe jınaqtaǵan. Ol 2021 jyldan beri Ulttyq ulan Bas qolbasshylyǵynyń Jaýyngerlik daıyndyq Bas basqarmasyn basqaryp keldi.

Óńirlik deńgeıdegi taǵy bir taǵaıyndaý «Batys» óńirlik qolbasshylyǵynda tirkelgen, onyń qolbasshysy bolyp polkovnık Narıman Akbarov bekitildi. Ulttyq ulan júıesinde 1994 jyldan beri qyzmet etip kele jatqan bilikti basshy ІІ dárejeli «Aıbyn» ordenimen marapattalǵan. Ol osy qyzmetke deıin, ıaǵnı 2022 jyldan bastap atalǵan óńirlik qolbasshylyq qolbasshysynyń birinshi orynbasary — shtab bastyǵy laýazymynda áskerı daıarlyq pen tártiptiń nyǵaıýyna tikeleı atsalysty.

Sonymen qatar, apta sońynda Úkimet quramynda da kadrlyq ózgeris oryn alyp, Erbol Tasjúrekov Aýyl sharýashylyǵy vıtse-mınıstri qyzmetinen bosatyldy. Ol bul laýazymǵa Qazaqstan Respýblıkasy Úkimetiniń qaýlysymen 2023 jyldyń 15 aqpanynda taǵaıyndalǵan bolatyn.

Erbol Qýanyshuly 1979 jyly Taraz qalasynda dúnıege kelgen. Ol M. H. Dýlatı atyndaǵy Taraz memlekettik ýnıversıtetin, Qoja Ahmet ıAsaýı atyndaǵy Halyqaralyq qazaq-túrik ýnıversıtetin jáne QR Prezıdenti janyndaǵy Memlekettik basqarý akademııasyn támamdaǵan. Sondaı-aq, bilikti maman Frantsııanyń áıgili Ulttyq ákimshilik mektebinde (ENA) bilim alyp, halyqaralyq deńgeıdegi basqarý tájirıbesin meńgergen.

Eńbek jolyn 1998 jyly jeke sektorda menedjer bolyp bastap, 2007-2013 jyldar aralyǵynda sot júıesinde qyzmet etti. Memlekettik basqarý salasyndaǵy mansaby Óńirlik damý mınıstrligi men Ulttyq ekonomıka mınıstrligindegi basshylyq laýazymdarmen jalǵasty. Atap aıtqanda, ol óńirlik saıasat, ınvestıtsııalar tartý jáne kásipkerlikti retteý baǵyttarynda jemisti eńbek etti.
Erbol Tasjúrekov ár jyldary Investıtsııalar komıteti tóraǵasynyń orynbasary, Shymkent qalasy men Túrkistan oblysy ákiminiń orynbasary sekildi jaýapty qyzmetterdi atqardy. Sondaı-aq, aýyl sharýashylyǵy salasyna kelmes buryn «QazAgro» ulttyq basqarýshy holdıngi» AQ Basqarýshy dırektory — Basqarma múshesi retinde agrarlyq sektordyń qarjylyq-ınvestıtsııalyq máselelerimen aınalysqan bolatyn.

Qazaqstannyń tabıǵı resýrstardy basqarý salasyndaǵy bedeli artyp, otandyq maman BUU-nyń joǵary qurylymyna saılandy. 2026 jylǵy 28 sáýirde Jeneva qalasynda ótken «Resýrstardy basqarý aptalyǵy» aıasynda «Ulttyq geologııalyq qyzmet» AQ basqarma tóraǵasynyń orynbasary Farhat Abytov BUU Eýropalyq ekonomıkalyq komıssııasynyń Resýrstardy basqarý jónindegi bıýrosynyń vıtse-tóraǵasy bolyp saılandy.

Farhat Abytov qyzmet etetin BUU EEK-tiń Resýrstardy basqarý jónindegi bıýrosy — tabıǵı resýrstardy turaqty basqarý salasyndaǵy jahandyq kún tártibi qalyptasatyn BUU-nyń mańyzdy alańy. Bıýro BUU aıasynda 56 eldiń sarapshylaryn biriktirip, energetıkalyq kóshý jaǵdaıynda jaýapty jer qoınaýyn paıdalaný jáne shıkizattyq qaýipsizdikti qamtamasyz etý boıynsha jahandyq sheshimder ázirleıdi.

Ónerkásip jáne qurylys mınıstrligi baspasóz qyzmetiniń málimetinshe, bıýronyń vıtse-tóraǵasy qyzmeti qoǵamdyq negizde júzege asyrylady jáne saraptamalyq-konsýltatıvtik sıpatqa ıe.