Kendirlide sport kesheni paıdalanýǵa berilmek
AQTAÝ. KAZINFORM – Jańaózen qalasyna qarasty Kendirli aýylynda jańa sport kesheni boı kóterdi.
Zamanaýı ǵımaratty sportshylarǵa barlyq jaǵdaı jasalǵan. Sondyqtan ıgi bastama turǵyndar arasynda sportty damytyp, salaýatty ómir saltyn nasıhattaýǵa úlken septigin tıgizbek.
Qazirgi tańda jańa nysannyń qurylysy tolyǵymen aıaqtalǵan. Endi sport kesheniniń basshysyn taǵaıyndaý jáne shtatyn qalyptastyrý sııaqty jumystar pysyqtalyp jatyr. Sondyqtan ǵımarat kóp uzamaı, osy jaz aılarynda paıdalanýǵa beriledi.
Aıta keteıik, Kendirli aýylynan sport keshenin salý — aýyl ákiminiń saılaýaldy baǵdarlamasynyń bir baǵyty.
Ákimdiktiń málimetinshe, Kendirli aýylynda 13 myńnan astam turǵyn bar. Eldi-meken 3 jyl buryn qurylǵan. Sport kesheni — alǵashqy sporttyq nysan. Aýylda jýyrda sý jańa dárigerlik ambýlatorııa da ashylmaq.
