Kendirli aýylynda alǵash ret saılaý ótip jatyr

JAŃAÓZEN. QazAqparat - Jańaózen qalasyna qarasty eldime kenniń biri – Kendirli aýyly kúnnen-kúnge kórkeıip keledi. Saıası mańyzy bar saılaý aýyl tarıhynda alǵash ret ótip jatyr, dep habarlaıdy QazAqparat tilshisi.

Jańa aýyldyń mádenıet úıinde ornalasqan №109 saılaý ýchaskesine tań atysymen kelgen halyq qarasy kóp.

Saıası naýqannan qalys qalmaı, tańdaýyn jasaýǵa kelgenderdiń qatarynda jaqynda ǵana otaý qurǵan jas jubaılar Qarshyǵa Baıtóreev pen Kúmis Shalqarova bar. Qarshyǵa – kásibı beıneoperator. Ol 10 jylǵa jýyq «Jańaózen» telearnasynda eńbek etip, búginde jeke kásippen aınalysyp júr. Al kelinshegi Kúmis – tiginshi.

«Egemendi elimizdiń baıandy bolashaǵy úshin mańyzy zor saıası sharaǵa bir kisideı atsalystyq. Otbasymyzda ata-anam, inim men jáne kelinshegim bolyp saılaýǵa keldik. Óz tańdaýymyzdy jasadyq. Bul naýqanǵa eń aldymen elimizdiń turaqtylyǵy nyǵaıa túsýi úshin qatysyp otyrmyz», -deıdi Qarshyǵa Baıtóreev.