QBTÝ aktsııalary satylymǵa shyǵaryldy

ALMATY. QazAqparat - Qazaqstan-Brıtan Tehnıkalyq ýnıversıtetiniń aktsııalary satylymǵa shyǵaryldy, dep habarlaıdy QazAqparat tilshisi.

Elektrondy saýda alańyna shyǵarylǵan lotta «QBTÝ» AQ aktsııalary shyǵaryldy. Atalǵan aktsııanyń ıesi - «QazMunaıGaz» AQ ekeni belgili.

Lottyń bastapqy baǵasy - 11,3 mlrd teńge. Saýda aǵylshyn tásilimen ótkiziledi. 

Aıta ketý kerek, «QBTÝ» AQ úsh ǵımaratta - QazSSR Úkimet úıinde, Betýrov atyndaǵy Hımııalyq ınstıtýt jáne Sokolskıı atyndaǵy otyn, katalız ben elektrolız ınstıtýty ǵımarattarynda ornalasqan. 

Mámile shartyna sáıkes, satyp alýshy bul ǵımarattardy bilim-ǵylym salasynda paıdalanýǵa mindetteledi.

Sonymen qatar, satyp alýshyǵa 5 jyl ishinde nysandy satyp, kepilge qoıýǵa, senimdi basqarýǵa berýge tyıym salynady. Sondaı-aq, stýdentter 5 jyl boıy jataqhanadan shyqpaýy kerek.