QAZTEST alǵash ret tolyqtaı elektrondy formatta ótip jatyr
ASTANA. KAZINFORM — 23 qazanda Astana qalasynda QAZTEST elektrondy sertıfıkattyq testileýi bastaldy. Bul týraly QR Ǵylym jáne joǵary bilim mınıstrliginiń baspasóz qyzmeti málim etti.
QAZTEST – elektrondy testileýi azamattar úshin yńǵaıly jáne zamanaýı qural. Ol aqparattyń ashyqtyǵy men qoljetimdiligin qamtamasyz etedi jáne jańa formattyń negizgi artyqshylyqtarynyń biri bolyp tabylady.
App.testcenter.kz saıty arqyly ótinish bergen azamattar úshin testileý týraly barlyq aqparat (kúni, ýaqyty jáne mekenjaıy) jeke kabınette qoljetimdi. Astana turǵyndary úshin testileý nátıjeleri jeke kabınette 3 kún ishinde, al basqa óńirlerde 15 kún ishinde qoljetimdi bolady. 2025 jyldan bastap elektrondy formattaǵy testileý Qazaqstannyń basqa qalalary men oblys ortalyqtaryna kezeń-kezeńmen engiziledi.
2024 jyldyń sońyna deıin óńirlerde sertıfıkattyq testileýi qaǵaz formatta jalǵasady. Óńirlerde testileýge ótinish berý www.kazakhtest.kz saıty arqyly qoljetimdi.
Esterińizge sala ketsek, QAZTEST testileýin ótkizýdiń jańa qaǵıdalary bekitildi. QAZTEST testileýin qaǵaz jáne elektrondy formatta tapsyrýǵa bolady.
Eske sala keteıik, buǵan deıin el tarıhynda alǵash ret eki pedagog «Qazaqstannyń eńbek eri» ataǵyn alǵanyn jazǵan bolatynbyz.
