«QazMunaıGaz» «Dońǵa» jobasyndaǵy 60% úlesti satyp aldy

«QazMunaıGaz» UK AQ (QMG) «TotalEnergies EP Danmark A/S» kompanııasynan (TotalEnergies enshiles uıymy) «Total E&P Dunga GmbH» jarǵylyq kapıtalyndaǵy 100% aktsııasyn satyp alǵany jóninde málimdedi. Kazinform bul týraly QMG saıtyna silteme jasap habarlaıdy. 

Osylaısha, QMG «Dońǵa» jer qoınaýyn paıdalaný jobasynyń 60 paıyz úlesine ıelik etedi.

Atalǵan mámile buǵan deıin QMG men «TotalEnergies EP Danmark A/S» arasynda qabyldanǵan satyp alý-satý kelisimshartynyń aıasynda jasaldy.

Aıta keteıik, «Dońǵa» munaı-gaz ken orny Mańǵystaý oblysy Túpqaraǵan aýdanynda ornalasqan. Ken oryn 1966 jyly ashylǵan. «Dońǵa» jobasy ónimdi bólý týraly shart aıasynda iske asyrylyp keledi. Sharttyń qazirgi qatysýshylary — «Total E&P Dunga GmbH» (60%), «Oman Oil Company Limited» (20%) jáne «PTT Exploration and Production» (20%).

TotalEnergies – munaı jáne bıootyn, tabıǵı gaz ben jasyl gazdar, jańartylatyn energııa men elektr energııasyn óndiretin, satatyn jahandyq mýltıenergetıkalyq kompanııa.

2002 jyly qurylǵan «QazMunaıGaz» ulttyq kompanııasy» AQ elimizdiń munaı-gaz salasynda Qazaqstannyń múddesin qorǵaıdy.