Qazgıdromet: Qazaqstanda aýa raıy kúrt ózgeredi

ASTANA. KAZINFORM — «Qazgıdromet» RMK 18 mamyrǵa arnalǵan aýa raıy boljamyn jarııalady.

— Belsendi tsıklon jáne soǵan baılanysty atmosferalyq fronttar Qazaqstan aýmaǵynyń basym bóligine jańbyr, soltústik, ortalyq jáne ońtústik-shyǵys óńirlerge qatty jańbyr, naızaǵaı, burshaq, jeldiń kúsheıýi men aýa temperatýrasynyń tómendeýin ákeledi. Tek batys óńirde antıtsıklonnyń áserinen qurǵaq jáne ashyq aýa raıy saqtalady, — delingen habarlamada.

«Qazgıdromet» órt qaýpi joǵary óńirlerdi atady.

— Olarǵa Mańǵystaý, Aqtóbe oblystarynyń batysy; Shyǵys Qazaqstan, Qostanaı oblystarynyń ońtústigi; Jambyl oblysynyń soltústigi men ońtústik-shyǵysy; Túrkistan oblysynyń ońtústigi men taýly aımaqtary; Atyraý oblysynyń ońtústigi, batysy, soltústik-shyǵysy; Almaty oblysynyń ortalyǵy; Jetisý oblysynyń soltústik-batysy men ońtústigi jatady, — delingen vedomstvo taratqan aqparatta.

Tótenshe órt qaýpi kútiletin óńirler tómendegideı:

• Qyzylorda, Túrkistan oblystary;

• Jambyl oblysynyń batysy, shyǵysy men ortalyǵy;

• Aqtóbe oblysynyń ońtústik-shyǵysy;

• ShQO men Almaty oblysynyń batysy, soltústigi;

• Aqmola oblysynyń batysy;

• Jetisý oblysynyń soltústigi men shyǵysy;

• Abaı oblysynyń batysy, soltústigi, ońtústigi men ortalyǵy;

Sonymen qosa keıbir aımaqta aptap ystyq saqtalady. Máselen Shyǵys Qazaqstan men Abaı oblystarynda kúndizgi ýaqytta aýa temperatýrasy 35–37°S-qa deıin ysıdy. Osy óńirlerdiń ońtústiginde kún 40°S-qa deıin barady.

Buǵan deıin bıylǵy jazda aýa raıy qalaı bolatyny aıtyldy.