Qazaqstannyń EAEO elderine eksporty artty

NUR-SULTAN. QazAqparat – Bıylǵy qańtar-sáýir aralyǵynda Qazaqstannyń Eýrazııalyq ekonomıkalyq odaq elderine eksporty 28,6% artty. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

Qazaqstan Respýblıkasynyń EAEO elderimen 2021 jylǵy qańtar-sáýirdegi ózara saýdasy 7100,4 mln AQSh dollaryn qurap, 2020 jylǵy qańtar-sáýirmen salystyrǵanda nomınaldy mánde 19,8% artty. Sonyń ishinde eksport – 2189,7 mln AQSh dollardy (28,6% kóp), ımport – 4910,7 mln AQSh dollardy (16,3% kóp) qurady.

Qazaqstan Respýblıkasynyń EAEO elderimen syrtqy saýda aınalymynyń jalpy kóleminde:

- Reseı Federatsııasyna – 92,9%,

- Qyrǵyzstan Respýblıkasyna – 3,6%,

- Belarýs Respýblıkasyna – 3,4%,

- Armenııa Respýblıkasyna – 0,1% keledi.