Qazaqstannyń EAEO elderimen saýda-sattyǵy tómendedi

NUR-SULTAN. QazAqparat - Qazaqstannyń EAEO elderimen saýda-sattyǵy osy jyldyń 3 aıynda 2,1 paıyzǵa tómendedi. Bul týraly QR UEM Statıstıka komıtetinen málim etti, dep habarlaıdy QazAqparat.

«2020 jylǵy qańtar-naýryzdaǵy Qazaqstan Respýblıkasynyń EAEO elderimen ózara saýdasy 4 389,4 mln AQSh dollaryn qurap, 2019 jylǵy qańtar-naýryzben salystyrǵanda 2,1 paıyzǵa azaıdy. Sonyń ishinde eksport – 1 227,7 mln AQSh dollaryn (11,3 paıyz kemidi), ımport 3161,7 mln AQSh dollaryn (2,1 paıyz kóbeıdi) qurady», - delingen komıtet aqparatynda.

Qazaqstan Respýblıkasynyń EAEO elderimen syrtqy saýda aınalymy jalpy kóleminde Reseı Federatsııasyna – 92,5, Qyrǵyzstan Respýblıkasyna – 4,1, Belarýs Respýblıkasyna – 3,3, Armenııa Respýblıkasyna 0,1 paıyzdan keledi.