Qazaqstannyń EAEO elderimen ózara saýdasy jandandy

NUR-SULTAN. QazAqparat – Qazaqstannyń Eýrazııalyq ekonomıkalyq odaq elderimen ózara saýdasy osy jyldyń 3 aıynda 13,2 paıyzǵa ulǵaıdy, dep habarlaıdy QazAqparat tilshisi.

«Qazaqstan Respýblıkasynyń EAEO elderimen qańtar-naýryzdaǵy ózara saýdasy 5191,5 mln AQSh dollaryn qurap, 2020 jylǵy qańtar-naýryzben salystyrǵanda nomınaldy mánde 13,2 paıyzǵa ulǵaıdy. Onyń ishinde eksport – 1532,3 mln AQSh dollary (16,8 paıyzǵa kóp), ımport – 3659,2 mln AQSh dollary (11,8 paıyzǵa kóp)» delingen QR Strategııalyq josparlaý jáne reformalar agenttiginiń ulttyq statıstıka bıýrosy taratqan aqparatta.

Vedomstvo málimetinshe, Qazaqstan Respýblıkasynyń EAEO elderimen syrtqy saýda aınalymy jalpy kóleminde Reseı Federatsııasyna – 92,9, Qyrǵyzstan Respýblıkasyna – 3,6, Belarýs Respýblıkasyna – 3,4, Armenııa Respýblıkasyna 0,1 paıyz tıesili.