Qazaqstannyń soltústigindegi joldar tekserildi
ASTANA. KAZINFORM - «QazAvtoJol» UK» AQ Soltústik Qazaqstan oblystyq fılıalynyń qyzmetkerleri tańǵy patrýldeý aıasynda avtojoldar men jol boıyndaǵy jasandy qurylystardyń jaǵdaıyn tekserdi.
Oblys aýmaǵyndaǵy respýblıkalyq kúre joldardyń jıekteri men sý ótkizý qubyrlary qardan tazartylyp jatyr.
Qazirgi tańda 607 qubyrdyń 259 danasy kóktem mezgiline daıyn. Sondaı-aq jaryqshamdardy aýystyrý, jol belgilerin jańartý sharalary da turaqty tártipte jalǵasýda.
Soltústik Qazaqstandaǵy respýblıkalyq mańyzy bar avtomobıl joldaryndaǵy jumysqa 85 tehnıka men 164 maman jumyldyrylǵan.
