Qazaqstanǵa Chehııadan kerqulan ákelý 2029 jylǵa deıin jalǵasady
ASTANA. KAZINFORM – Ekologııa jáne tabıǵı resýrstar mınıstrligi kerqulandy qaıta jersindirý jumystary jalǵasatynyn málim etti.
Vıtse-mınıstr Nurken Shárbıetiń sózinshe, bir kezderi kerqulan Aqtóbe, Qostanaı, Qaraǵandy, Aqmola, Shyǵys Qazaqstan, Almaty, Qyzylorda, Jambyl, Túrkistan sııaqty 9 óńirde tirshilik etken.
- Kerqulan jabaıy tabıǵattan 1960 jyldardyń aıaǵyna qaraı joıylyp ketti. Mınıstrliktiń halyqaralyq uıymdarmen baılanysy arqasynda 2024 jyldyń maýsym aıynda jáne 2025 jyly Praga zoobaǵynan 14 bas qulan (12 bıe, 2 aıǵyr) Qostanaı oblysynyń «Altyn dala» rezervatyna ákelingen bolatyn. 2029 jylǵa deıin 40 bas kerqulan ákelý kózdelip otyr, - dedi ol Senat komıtetiniń otyrysynda.
Onyń ústine 2024 jyly «Іle-Balqash» jáne «Altyn Dala» rezervattaryna qulan jiberilgen.
- Bul janýarlardy rezervatqa jiberý arqyly Qazaqstan ekojúıesine jersindirýge bolady. 1950-60 jyldary Túrikmenstannan 14 bas qulan ákelingen bolatyn. Qazir olardyń sany 4 614-ke jetti, - dedi Nurken Shárbıev.
Buǵan deıin Soltústik Qazaqstan oblysyna Eýropa elderinen, kerqulan jetkizý máseleleri qarastyrylyp jatqanyn jazǵan edik.