Qazaqstandyq qarjygerler partaǵa otyrdy
ASTANA. QazAqparat - QR Qarjy mınıstrliginiń qyzmetkerleri úshin qazaq tilin úırený deńgeıin arttyrý kýrstary bastaldy, dep habarlady Qazaq gýmanıtarlyq zań ýnıversıtetiniń baspasóz qyzmeti.
«QazGZÝ ýnıversıtetiniń úzdik oqytýshylary qazaq tilinen QR Qarjy mınıstrliginiń qabyrǵasynda sabaq júrgizýde. Kýrstar 2014 jyldyń 15 jeltoqsanyna deıin ótedi. Olardyń qazaq tilin qanshalyqty deńgeıde biletinin anyqtaý úshin 21 qazan kúni ýnıversıtet qabyrǵasynda testileý júrgizildi. Onyń nátıjesi boıynsha 5 top quryldy: ekeýi - jalǵastyrýshy, ekeýi - ortasha deńgeıdegi jáne bireýi bastaýshy. Qazaq tilin úırenýshilerdiń jalpy sany 106 adamdy qurady», - delingen taratylǵan habarlamada.
