Qazaqstandyq balýan shırek fınalǵa joldama aldy
ASTANA. QazAqparat - Astanada ótip jatqan qazaq kúresinen álem chempıonatynda 82 keli salmaqta synǵa túsip jatqan otandasymyz Ersultan Muzafarov úshinshi beldesýinde reseılik qarsylasyn taza jeńispen utyp, shırek fınalǵa joldama aldy, dep habarlaıdy QazAqparat tilshisi.
Aıta keteıik, Ersultan Muzafarov birinshi beldesýinde Mońǵolııa balýanyn utsa, ekinshi aınalymda Kongo balýanyn qapy qaldyrǵan bolatyn. Al 100 keli salmaqta qazaqstandyq balýan Aleksandr Kasachev qarsylasyna ese jiberse, asa aýyr salmaqta Rýslan Ábdirazaqov kýbalyq balýannan utylyp qaldy.
