Qazaqstandyqtar Taılandqa vızasyz 30 kúnge bara alady
ASTANA. KAZINFORM – QR Syrtqy ister mınıstrligi synaq merziminen keıin Taılandpen 30 kúndik vızasyz rejımdi turaqty negizde engizgisi keledi.
Ótken jyldyń qyrkúıeginen 2024 jyldyń 29 aqpanyna deıin qoldanysta bolǵan synaq merzimi aıaqtalǵannan keıin Úkimet qaýlysynyń jobasy «Ashyq NQA» portalynda paıda boldy.
Qujatqa sáıkes, qazaqstandyqtar Taılandta vızasyz kirgen kúnnen bastap 30 kún alańsyz júre alady.
«Alaıda Qazaqstan azamattary kúntizbelik 180 kúnniń 90 kúninen artyq Taılandta bolmaýǵa tıis», – delingen qujatta.
Bul elde uzaq ýaqytqa qalýdy qalaıtyn otandastarymyz áli de vıza alýǵa májbúr bolady.
Taıland azamattary úshin Qazaqstan aýmaǵynda da osyndaı jaǵdaı jasalǵan. Kelisimde vızasyz rejımniń qansha ýaqytqa deıin uzaratyny nemese qaı aılar aralyǵynda bolatyny naqty kórsetilmegen.
Jobany talqylaý 29 naýryzǵa deıin jalǵasady.
