Qazaqstandyqtar Qurban aıtta qansha kún demalady

ASTANA. KAZINFORM – Bıyl Qurban aıt merekesi 17 maýsym, ıaǵnı, dúısenbige túsip tur. Orazadan 70 kúnnen keıin toılanatyn musylmandardyń qasıetti merekesi kúntizbede qyzyl kúnmen belgilengen.

Sáıkesinshe, qazaqstandyqtar 15, 16 jáne 17 maýsymda qatarynan 3 kún demalady.

Qurban aıttyń alǵashqy tańynda elimizdiń barlyq meshitinde Aıt namazy oqylady. Aıt namazynan keıin úsh kún ishinde jaǵdaıy bar musylmandar qurban shalýy qajet.

Eske sala keteıik, qurbandyqqa shalatyn malǵa jáne soıýǵa qatysty qoıylatyn arnaıy talaptar bar.