Qazaqstandyqtar 2026 jyly qandaı merekelerde demalady
ASTANA. KAZINFORM — 2026 jylǵa arnalǵan merekelik jáne demalys kúnderiniń kúntizbesi elektrondyq úkimet portalynda jarııalandy.
2026 jyly birqatar memlekettik merekeler demalys kúnderine sáıkes keletindikten, qosymsha demalys kúnderi qarastyrylǵan. Osyǵan baılanysty qazaqstandyqtar tómendegideı demalady:
1-2 qańtar — Jańa jyl;
8 naýryz — Halyqaralyq áıelder kúni. Mereke jeksenbi kúnine túskendikten, demalys kúni 9 naýryz, dúısenbige aýystyrylady;
21-23 naýryz — Naýryz meıramy. 21 jáne 22 naýryz kúnderi senbi men jeksenbige sáıkes kelgendikten, demalys kúnderi 24 jáne 25 naýryzǵa, ıaǵnı seısenbi men sársenbige aýystyrylady;
1 mamyr — Qazaqstan halqynyń birligi kúni;
7 mamyr — Otan qorǵaýshylar kúni;
9 mamyr — Jeńis kúni. Mereke senbige túskendikten, demalys kúni 11 mamyr, dúısenbige aýystyrylady;
6 shilde — Astana kúni;
30 tamyz — Qazaqstan Respýblıkasynyń Konstıtýtsııasy kúni. Bul mereke jeksenbige sáıkes kelgendikten, demalys kúni 31 tamyzǵa aýystyrylady;
25 qazan — Respýblıka kúni. Mereke jeksenbige túskendikten, demalys kúni 26 qazanǵa aýystyrylady;
16 jeltoqsan — Táýelsizdik kúni.
Sonymen qatar musylman kúntizbesi boıynsha atap ótiletin Qurban aıttyń birinshi kúni jáne 7 qańtar — pravoslav Rojdestvosy demalys kúnderi bolyp sanalady, bul merekelerge baılanysty demalys kúnderin aýystyrý qarastyrylmaǵan.
2026 jyly Qurban aıttyń birinshi kúni 27 mamyrǵa sáıkes keledi.
Aıta keteıik, astanalyqtar 2026 jyldy qalaı qarsy alǵanyn mynaý siltemeden oqı alasyz.