Qazaqstanda jańa bank paıda boldy
ASTANA. KAZINFORM — Qazaqstan Respýblıkasynyń Qarjy naryǵyn retteý jáne damytý agenttigi «BıEnKeı kommertsııalyq banki» AQ-na bank operatsııalaryn júrgizýge lıtsenzııa berdi.
Habarlanǵandaı, bank aktıvteri 103 mlrd AQSh dollarynan asatyn ońtústikkoreıalyq BNK Financial Group Inc. halyqaralyq qarjylyq holdınginiń bir bóligi.
Sheteldik banktiń ashylýy memleket basshysynyń 2023 jylǵy qyrkúıekte Qazaqstan halqyna jyl saıynǵy Joldaýynda jarııalanǵan elge senimdi sheteldik bankterdi tartý jáne bank sektoryndaǵy básekelestikti arttyrý jónindegi tapsyrmasyn oryndaýǵa sáıkes keledi. Bul Qazaqstanda 2010 jyldan beri berilgen alǵashqy bank lıtsenzııasy. «BıEnKeı banki» ámbebap tsıfrlyq qyzmetterdi damytýǵa, shaǵyn jáne orta bıznesti nesıelendirýge jáne avtonesıe berýge baǵyttalǵan.
Qaıta qurý kezinde uıymnyń aktıvteri 25,8 mlrd teńgeni, al nesıelik portfeli 21,8 mlrd teńgeni qurady. 2024 jyldyń qorytyndysy boıynsha uıym aktıv kólemi boıynsha mıkroqarjy uıymdary arasynda 15-shi orynǵa ıe boldy.
Budan buryn Qarjy naryǵyn retteý jáne damytý agenttigi elimizdegi ekinshi deńgeıli bankterdiń balansynda qansha memlekettik qarajat baryn málim etti.