Qazaqstanda YouTube Premium nege áli qosylmaǵan

Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın elimizde YouTube Premium nelikten áli qosylmaǵanyn túsindirdi, dep habarlaıdy Kazinform.

«YouTube Google-ǵa tıesili. Olar ekonomıkalyq jaıtqa qaraı sheshim qabyldaıdy. Bul geosaıası nemese ózge máselelerge emes, tek ekonomıkalyq máselege ǵana baılanysty», — dedi mınıstr «Altyn sapa» syılyǵyn tabystaý is-sharasy aıasynda.

Onyń atap ótýinshe, Qazaqstanda YouTube Premium qoldanýshylarynyń sany jetkiliksiz.

Sonymen qatar Qazaqstannyń shyǵarma avtorlarymen kelisimshart ta jasalmaǵan.

«Jyl basynda barǵanymda qazaqstandyqtarǵa YouTube Rremium kerek ekenin aıtyp, olarǵa úlken ótinish jasadym. Sol ýaqytta olar naqty jumys júrgiziletinin aıtyp sendirdi. Taıaýda Tsıfrlyq damý mınıstrliginen birinshi vıtse-mınıstr Qanysh Tileýshın konferentsııaǵa qatysyp, Google ókilderimen kelissóz júrgizdi. Olar jyl sońyna deıin múmkin emestigin, degenmen kelesi jyly mindetti túrde qosatynyn jetkizdi. Qazaqstan óz tarapynan barlyq shartty oryndady. Qazirgi ýaqytta el zańnamasy tarapynan sheshilmegen ne qandaı da bir saıası másele joq», — dedi Baǵdat Mýsın.