Qazaqstanda ýran qory qansha
ASTANA. KAZINFORM — Eldegi ýrannyń boljamdy qory 2 mln tonnadan astam. Bul týraly Senattyń jalpy otyrysynda Energetıka vıtse-mınıstri Erlan Aqbarov málim etti.
— Qazaqstanda ýrannyń boljamdy qory 2 mln tonnadan asady. Elde 9 ýran provıntsııasy bar, — dedi Erlan Aqbarov senatorlardyń suraǵyna jaýap bere otyryp.
Aıta keteıik, búgin Senattyń jalpy otyrysynda «Jer qoınaýy jáne jer qoınaýyn paıdalaný týraly» Kodekske kómirsýtekter men ýran salasynda jer qoınaýyn paıdalanýdy jetildirý máseleleri boıynsha ózgerister men tolyqtyrýlar engizý týraly» Zańy birinshi oqylymda qaraldy.
Zańnyń maqsaty — jer qoınaýyn paıdalaný salasyndaǵy zańnamany odan ári jetildirý, ınvestıtsııalyq tartymdylyqty arttyrý, sondaı-aq memlekettiń ýran salasyndaǵy múddesin qorǵaý.
Buǵan deıin habarlanǵandaı, ýran salasyndaǵy ulttyq kompanııaǵa jańa ken oryndaryn ıgerýde basym quqyq beriledi.
