Qazaqstanda topyraq qunary tómendep barady - AShM
«Sońǵy ýaqytta respýblıkamyzdaǵy topyraqtyq-melıoratıvtik jáne topyraqtyq-ekologııalyq jaǵdaı nasharlap barady: topyraq qunarlylyǵy udaıy tómendep, jelge mújilýi men ekinshi qaıtara tuzdanýy baıqalady. Sonyń saldarynan aýyl sharýashylyǵy daqyldarynyń ónimdilik kórsetkishi týra bizdiń elimizdegideı tabıǵı klımattyq jaǵdaıdaǵy respýblıkalardyń kórsetkishimen salystyrǵanda, aıtarlyqtaı qalyp keledi», - dedi vıtse mınıstr.
Onyń sózine qaraǵanda, barlyq óńirlerde derlik topyraq quramyndaǵy kóń, qı sekildi aýyl sharýashylyǵy daqyldary úshin ónimdilikti arttyratyn quramdastary azaıyp ketken. Budan bólek, sońǵy ýaqyttarda júrgizilgen agrohımııalyq zertteýler kórsetkenindeı, sýarmaly emes jerlerdiń 63 paıyzynda, al sýarmaly jerlerdiń 98 paıyzynda kóńniń tómendigi tirkelgen. Osynyń ózi jerdiń degradatsııa jáne degýmıfıkatsııasyna dálel bola alady. «Osyǵan baılanysty elimizdiń topyraqtyq ónimdilik resýrsynyń turaqtylyǵyn saqtaýǵa qaýip tónip turǵanyn atap ótýge bolady. Bul problemanyń sheshimi úshin topyraqtyń ónimdiligin arttyrýǵa qatysty sharalar qabyldanýy kerek, aýyl sharýashylyǵyna arnalǵan jerlerdi tıimdi paıdalaný kerek», - dedi S.Omarov.