Qazaqstanda taýar óndirýshilerdiń biryńǵaı reestri jasalady
ASTANA. KAZINFORM – Otandyq taýar óndirýshilerdiń jumysyn jeńildetý maqsatynda biryńǵaı reestr qurý jáne sala jumysyn tsıfrlandyrý jumystary qolǵa alyndy. Bul týraly Ónerkásip jáne qurylys vıtse-mınıstri Oljas Saparbekov málim etti.
«Búginde taýarlar men taýar óndirýshilerdiń sáıkestigin rastaý júıesin jetildirý baǵytynda jumystar júrgizilip jatyr. Osylaısha, qazaqstandyq taýar óndirýshilerdiń biryńǵaı reestri qurylady. Ol taýar óndirýshilerdiń qoldanatyn barlyq tizilimdi biriktirýge múmkindik beredi. Bul jerdegi basty jańalyq óndiristi verıfıkatsııalaýda tsıfrlyq sheshimderin qoldaný», - dedi Oljas Saparbekov ortalyq kommýnıkatsııalar qyzmeti alańynda ótken baspasóz máslıhatynda.
Vıtse-mınıstrdiń málimdeýinshe, atalǵan zańnamalyq túzetýler qazir Májilistiń qaraýynda.
«Tsıfrlandyrylǵan bazada óndiristiń qýattylyǵy, jumys oryndarynyń sany, elektr energııasyn tutyný kólemi men memlekettik derekter bazasynan alynǵan basqa da kórsetkishter týraly málimetter jınaqtalady», - deıdi ol.
Buǵan deıin habarlaǵanymyzdaı, bıyl segiz aıda elimizde júk vagondaryn shyǵarý alty ese ulǵaıǵan.
Aıta ketsek, bıyl qazaqstandyq óńdeý ónerkásibi eksporty segiz aıda 17,8 mlrd dollarǵa jetti.
