Qazaqstanda salyq jeńildikteri azaıady
ASTANA. KAZINFORM - Úkimettiń aldynda salyq jeńildikterin keminde 20%-ǵa qysqartý mindeti tur. Bul týraly QR Premer-Mınıstri Oljas Bektenov aıtty.
Premer Salyq kodeksin tekserý qorytyndysy boıynsha jeńildik retinde 478 norma anyqtalǵanyn atap ótti.
«Bizdiń aldymyzda salyq jeńildikteriniń kólemin keminde 20%-ǵa qysqartý mindeti tur. Jeńildikter qarjylyq esepteýler negizinde ekonomıkalyq turǵyda negizdelip berilýi kerek. Nátıjelerge qol jetkizýdiń naqty merzimderi kórsetilýge tıis. Ulttyq ekonomıka mınıstrligine salalyq memlekettik organdarmen jáne „Atameken“ ulttyq kásipkerler palatasymen birlesip, salyqtyq jeńildikterdi qoldanýdyń mindetti monıtorıng tetigin engizýdi, sondaı-aq bıznestiń qarsy mindettemelerin belgileýdi tapsyramyn», - dedi Oljas Bektenov Úkimet otyrysynda.
