Qazaqstanda otyzdan astam ınternet-resýrs buǵattaldy

ASTANA. QazAqparat - Búgin áleýmettik jelilerde belgili taýarǵa sertıfıkatty jyldam alýǵa «kómektesetin» qyzmet týraly aqparat tarady, dep habarlaıdy QazAqparat.

Osyǵan baılanysty QR Saýda jáne ındýstrııa mınıstrligi Tehnıkalyq retteý jáne metrologııa komıteti habarlaıdy:

Sáıkestik sertıfıkaty nemese sáıkestik týraly deklaratsııa ónimniń qaýipsiz ekenin rastaıdy. Sertıfıkatsyz ónim azamattardyń densaýlyǵyna qaýipti bolýy múmkin.

«Ony akkredıttelgen sertıfıkattaý organdary beredi. Al mundaı «deldaldyq» qyzmetterdi akkredıtatsııasyz jarnamalaýǵa «Jarnama týraly» zańmen tikeleı tyıym salynǵan. Sondyqtan QR SIM Tehnıkalyq retteý jáne metrologııa komıteti osyndaı saıttardy únemi baqylap, tabylǵan jaǵdaıda Aqparat jáne qoǵamdyq damý mınıstrligine buǵattaý úshin jiberedi», - Komıtet tóraǵasy Qýanysh Elikbaev.

Mundaı saıttar ádette EAEO-ǵa qatysýshy kórshi elderdiń birinde tirkeletin «sertıfıkattardy» jarnamalaıdy.

Aıtpaqshy, ótken jyldyń tamyz aıynan bastap biz osyndaı 40 saıtty taptyq jáne olardyń 33-in buǵattadyq. Keıbireýler protseste, sonyń ishinde búgin jelide taraǵan saıt ta bar.

«Aldaǵy ýaqytta osyndaı saıtqa tap bolsańyzdar Komıtetke habarlasýlaryńyzdy suraımyz»,-delingen habarlamada.