Qazaqstanda krıptovalıýtaǵa maınıng jasaıtyndar kóp pe
«Bilýimshe, ótken jyly Qazaqstannyń bir oblysynda iri maınıng ortalyǵy ashylǵan bolatyn. Ol jerde shamamen 20 myń «mashına» bar. Jasyratyny joq, bizdiń qaýymdastyǵymyzǵa múshe bir áriptesimiz taǵy bir maınıng ortalyǵyn ashamyn degen. Ol 2 «mashına» qoıamyn dedi. Árıne, Qytaımen jáne Reseımen salystyrǵanda, bizdegi maınerlerdiń sany óte az», - dedi E.Býtın Astana ekonomıkalyq forýmynyń paneldik sessııasynda.
Onyń aıtýynsha, Qazaqstanda krıptovalıýtalardy retteý sharalaryn tezdetip qolǵa alý qajet.
«Qazirgi kezde damyǵan memleketter qol qýsyryp otyrǵan joq. Barlyǵy birdeı krıptovalıýtany synaqtan ótkizý úshin arnaıy aımaqtardy quryp jatyr, álemdik tájirıbeni jan-jaqty zerdelep keledi. Sebebi bir-eki jyldan keıin atalǵan texnologııalar bizdiń kúndelikti ómirimizge aınalady. Biz segiz aıdan beri biraz jumys atqardyq. Ulttyq bankpen baılanys ornatyp, «Astana» Halyqaralyq qarjy ortalyǵymen kelisimdi rásimdedik. Kóp nárse jasalady dedi. Tıisti zańdy shyǵaryp, krıptovalıýta bırjasyn jasaımyz dedi. Biraq áli kúnge deıin naqty sheshim joq», - dep atap kórsetti E.Býtın.
Aıta keteıik, sessııa kezinde sarapshy Mıxaıl Senatorov Reseıdiń krıptovalıýtaǵa qatysty jospary týraly aıtyp berdi. Onyń aıtýynsha, kórshi memleket ulttyq krıptovalıýtasyn jasap shyǵarýy ábden múmkin.
