Qazaqstanda qansha Olımpıada chempıony bar
ASTANA. KAZINFORM – Qazaqstan sportshylary osyǵan deıin táýelsiz el retinde 7 Jazǵy Olımpıada oıyndarynda baq synady. Endi Parıjda ótetin HHHІІІ jazǵy oıyndar segizinshi ret qatysqaly otyr.
Osy atalǵan Olımpıada oıyndarynda qansha qazaqstandyq sportshy jeńis tuǵyrynyń eń bıik satysynan kórindi? Chempıondarymyz kimder? Kazinform tilshisi osy suraqqa jaýap izdep kórgen edi.
Qazaqstandyq Olımpıada chempıondary:
ıÝrıı Melnıchenko 1972 jyly, 5 maýsymda dúnıege kelgen. Grek-rım kúresinen 1996 jylǵy Atlanta Olımpıadasynyń chempıony.
Vasılıı Jırov 1974 jyly, 4 sáýirde Balqash qalasynda dúnıege kelgen. Bokstan (81 kelige deıingi) Atlanta Olımpıadasynyń chempıony.
Aleksandr Parygın 1973 jyly dúnıege kelgen. Bessaıystan Atlanta Olımpıadasynyń jeńimpazy.
Bekzat Sattarhanov 1980 jyldyń 4 sáýirinde Túrkistan qalasynda dúnıege kelgen. 2000 jyly ótken Sıdneı Olımpıadasynyń chempıony. 2000 jyldyń 31 jeltoqsanynda ómirden ótken.
Olga Shıshıgına 1968 jyldyń 23 jeltoqsanynda Almaty qalasynda dúnıege kelgen. Jeńil atletıkadan Sıdneı Olımpıadasynyń chempıony.
Ermahan Ybraıymov 1972 jyly 1 qańtarda Jambyl oblysynda dúnıege kelgen. Boksshy 71 keli salmaqta Sıdneıde jeńimpaz atandy.
Baqtııar Artaev 1983 jyly 14 naýryzda Taraz qalasynda dúnıege kelgen. 2004 jylǵy Grekııanyń Afıny qalasynda ótken Olımpıadada bokstan 69 keli salmaqta top jardy.
Baqyt Sársekbaev 1981 jyly 29 qarashada dúnıege kelgen. Bokstan 2008 jylǵy Beıjiń Olımpıadasynyń chempıony.
Alla Vajenına 1983 jyly 29 mamyrda dúnıege kelgen. Aýyr atletıkadan Beıjiń oıyndarynyń jeńimpazy.
Serik Sápıev 1983 jyldyń 16 qarashasynda Abaı qalasynda dúnıege kelgen. Bokstan 69 keli salmaqta 2012 jylǵy London Olımpıadasynyń chempıony.
Olga Rypakova 1984 jyly, qarashanyń 30-ynda Óskemen qalasynda dúnıege kelgen. Jeńil atletıkadan London qalasynda ótken Olımpıadanyń altyn medal ıegeri.
Aleksandr Vınokýrov 1973 jyly, 16 qyrkúıekte Soltústik Qazaqstan oblysynda dúnıege kelgen. Veloshabandoz. 2012 jylǵy Londondaǵy XXX jazǵy Olımpıada oıyndarynda bas júldeni jeńip alǵan.
Danııar Eleýsinov 1991 jyly, 13 naýryzda Qaztalov aýdanynda dúnıege kelgen. Boksshy. 2016 jylǵy Brazılııadaǵy Olımpıada oıyndarynyń jeńimpazy.
Dmıtrıı Balandın 1995 jyldyń 4 sáýirinde Almaty qalasynda dúnıege kelgen. Rıo-de-Janeıro qalasynda ótken XXXI Olımpıada oıyndarynda 200 metr braspen Qazaqstanǵa júzýden tuńǵysh altyn medal alyp bergen sportshy.
Nıdjat Ragımov 1993 jyly, 13 tamyzda dúnıege kelgen ziltemirshi. 2016 jylǵy Brazılııadaǵy Olımpıada oıyndarynyń jeńimpazy.
Ókinishke qaraı, sońǵy Tokıo Olımpıadasynda qazaq sportshylarynyń joly bolmady. Birde-bir otandastarymyz jeńis tuǵyrynyń eń bıik satysynan kórine almady.
