Qazaqstanda qansha kolledj bar

ASTANA. KAZINFORM — 2025-2026 oqý jylynyń basyna Qazaqstanda 559 kolledj jumys istedi. 

Ulttyq statıstıka bıýrosy málimetinshe, kolledjderdiń basym bóligi Almaty qalasynda ornalasqan — 79, odan keıin olardyń sany Túrkistan men Qaraǵandy oblysynda kóp, tıisinshe 38 jáne 37 kolledj.

Kolledjderdegi bilim alýshylar sany oqý jylynyń basynda 355,2 myń adam boldy, onyń ishinde 150,8 myńy — áıelder.

Kolledje oqıtyn stýdent sany Almaty qalasynda eń kóp — 76 myń adam, odan keıin Shymkentte — 40,1 myń jáne Túrkistan oblysynda — 30 myń adam.
Bıylǵy oqý jylynda kolledjderge birinshi kýrsqa 133,9 myń adam tústi. Olardyń negizgi bóligi ınjenerlik, óńdeý jáne qurylys tehnologııalary salasyndaǵy mamandyqtardy tańdady — 51,2 myń adam. Olardyń ishinde kólik jóndeý mamandyǵy boıynsha oqýǵa túskender — 9,5 myń, dánekerleý isi — 5 myń, tigin isi — 4,3 myń oqýshy.

Odan keıin ártúrli qyzmet mamandyqtary boıynsha túsýshiler kóp bolǵan — 22,4 myń adam, onyń ishinde eń kóp oqýshy tamaqtandyrý isi mamandyǵyn tańdaǵan — 12,7 myń adam.

Kollejde bilim alýshylar arasynda Ózbekstannan jáne Reseıden kelgender kóp, sáıkesinshe 1,2 myń jáne 1 myń adam.

Aıta keteıik, mektepter men kolledjderde «DosbolLIKE» antıbýllıngtik baǵdarlamasy júzege asyrylyp jatyr.

Aqtaýda daryndy balalarǵa arnalǵan mektep-ınternat kolledji ashyldy.