Qazaqstanda qansha kólik tirkelgen

ASTANA. QazAqparat – 2022 jyldyń qarasha aıynda Qazaqstanda 109 myń avtokólik tirkeldi. Bul onyń aldyńǵy jylmen salystyrǵanda 29,3% kóp, dep habarlaıdy QazAqparat Ulttyq statıstıka bıýrosyna silteme jasap.

Esepke qoıylǵan kólikter arasynda jeńil avtomobılder sany –26,6%, júk mashınalary – 85,9%, avtobýstar 6% artqan.

Statıstıkaǵa sáıkes, ótken jyldyń 1 jeltoqsanyna deıin Qazaqstanda jalpy 4 mln 403,6 myń avtokólik tirkelgen. Onyń ishinde 87,8% - jeńil avtomobılder, 10,1% - júk mashınalary jáne 2,1% - avtobýstar.

2022 jylǵy qańtar-qarasha aılary aralyǵynda el aýmaǵynda 13 407 jol-kólik oqıǵasy boldy. Saldarynan 19 511 adam zardap shekti. Apattar sany bir jyl burynǵy kezeńmen salystyrǵanda 9,2% artqan (12 272 jol-kólik oqıǵasy, zardap shekti – 17 896 adam). Saqtandyrý uıymdary azamattardyń 84 631 ótinishi boıynsha 44,9 mlrd teńge somasyna tólem jasaǵan.