Qazaqstanda qansha kólik bar

Qazaqstanda qansha kólik sany 5 mln mejesinen asty, dep habarlaıdy QazAqparat Ulttyq stastıtıka bıýrosyna silteme jasap.

2023 jylǵy shildede 169,3 myń avtokólik quraly esepke qoıyldy1), bul ótken jyldyń sáıkes kezeńimen salystyrǵanda kórsetkish 1,8 ese artty, onyń ishinde jeńil avtomobılder 1,8 esege, avtobýstar – 2,2 esege jáne júk avtomobılderi 1,8 ese artty.

Máselen, 2023 jylǵy 1 tamyzdaǵy jaǵdaı boıynsha Qazaqstanda tirkelgen avtokólik quraldarynyń sany 5 015,2 myń bolsa, onyń ishinde 87,9% jeńil avtomobılder, 10% júk avtomobılderi jáne 2,1% – avtobýstar. Ótken jylǵy 1 tamyzdaǵy jaǵdaımen salystyrǵanda kólik sany 15% ósken.

Sonymen qatar tirkelgen jeńil avtomobılderdiń jalpy sanynyń eń úlken úlesi, ıaǵnı 45,1%-nyń qozǵaltqysh kólemi 1500-den 2000 tekshe sm. deıingi jeńil avtomobılder, qozǵaltqysh kólemi 1500 tekshe sm. deıingi kólik úlesi – 18,1%, qozǵaltqysh kólemi 2000-nan 2500-ge tekshe sm. deıin – 17,3%, qozǵaltqysh kólemi 2500-den 4000 tekshe sm. deıin – 15,1%, 4000 tekshe sm. joǵary – 1,9%.

Qozǵaltqysh kólemi 1500-2000 tekshe sm.-ge deıingi jeńil avtomobılderdiń eń kóp sany Almaty oblysynda – 223 myń, Almaty qalasynda – 200,7 myń, Astana qalasynda – 153,7 myń, Qaraǵandy oblysynda-151 myń jáne Shyǵys Qazaqstan oblysynda – 137,4 myń.

Júk avtomobılderiniń ishinde qomaqty úles qozǵaltqysh kólemi 4000 tekshe sm. joǵary júk kólikterine tıesili (tirkelgen júk avtomobılderiniń jalpy sanynyń 72%).