Qazaqstanda egin oraǵy aıaqtaldy

ASTANA. 13 qarasha. QazAqparat - Qazaqstanda egin oraǵy aıaqtaldy. Búgin Astanada ótken baspasóz máslıhatynda QR Aýyl sharýashylyǵy vıtse-mınıstri Múslim Ómirııaevtiń habarlaǵanyndaı, oblys ákimdikteriniń aýyl sharýashylyǵy basqarmalary bergen aqparattarda 10 qarasha kúngi jaǵdaı boıynsha dándi daqyldar 15,1 mln. gektar alqaptan jınalyp bitken. Ortasha eseppen gektaryna 9,8 tsentner egin shyǵymymen jınalǵan qambadaǵy astyqtyń bastapqy kólemi 14,8 mln. tonna bolyp otyr.    

«Oblys ákimdikteriniń aýyl sharýashylyǵy basqarmalary taratqan jedel málimetter boıynsha, tazartylǵannan keıingi astyqtyń jalpy kólemi 12,3 mln. tonna shamasynda bolmaq. Bul astyq byltyrǵy 9,8 mln. tonna qaldyqpen qosa eseptegende ishki qajettilikterdi jabýǵa jáne syrtqa 8 mln. tonna bıdaıdy eksporttaýǵa múmkindik beredi», - delingen QR AShM baspasóz qyzmetiniń habarlamasynda.  

Bıylǵy qýańshylyqtyń kesirinen astyqtyń jalpy kólemi byltyrǵy jylmen salystyrǵanda 14,7 mln. tonnaǵa (2,2 ese), dándi daqyldardyń ónimdiligi gektaryna 8,7 tsentnerge (2,1 ese) az boldy.