Qazaqstanda ChatGPT chatynyń balamasy jasalady
ALMATY. KAZINFORM – Qazaqstanda azamattarǵa táýlik boıy qujattardy óńdeýge jáne barlyq suraqqa jaýap alýǵa múmkindik beretin ChatGPT balamasyn ázirleý bastaldy.
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń sózinshe, bolashaqta qazaqstandyqtar memlekettik qyzmetterdi ChatGPT formatynda baılanys jasaý arqyly ala alady.
«Bıyl biz e-Gov ónimderine jasandy ıntellekt engizýdi kózdep otyrmyz. Qazir Nazarbaev Ýnıversıtetimen birlese otyryp, qazaqstandyq ázirleme bazasynda GPT chatynyń balamasyn jasaý jumysy bastaldy. Biz úshin eń mańyzdysy – adamdarǵa jaǵdaı jasaý», - dedi mınıstr.
Onyń aıtýynsha, jasandy ıntellekt qazaq tiline aýdarylady, qazirgi ýaqytta qazaq tildi LLM qurý boıynsha jumys júrgizilip jatyr.
«Qazaqstan jasandy ıntellektke óziniń tsıfrlyq ónimimen enýdi maqsat etip otyr», - dep túsindirdi Baǵdat Mýsın.
