Qazaqstanda birneshe qylmystyq top ustaldy

ASTANA. QazAqparat - Aǵymdaǵy jyldyń basynan beri QR Bas prokýratýrasy asa iri kólemde alaıaqtyq jasaǵan birneshe qylmystyq topty ustady, dep habarlaıdy QazAqparat tilshisi.

Vedomstvo málimetinshe, atalǵan tulǵalar «Bank RBK» AQ pen «Qazkommertsbank» AQ qarajatyn urlaýǵa qatysty qylmystyq is boıynsha Bas prokýratýranyń arnaýly prokýrorlar qyzmeti jaýapqa tartqan kýágerler men kúdiktilerden qylmystyq jaýapkershilikten bosatamyz degen jeleýmen aqsha qarajatyn bopsalaǵan.

Atap aıtqanda, 16 aqpanda Almaty qalalyq advokattar alqasynyń advokaty Álimbetov pen azamatsha Amanǵalıeva 315 myń AQSh dollaryn alyp jatqan jerinen ustaldy.

Al buǵan deıin osy jyldyń qańtarynda Almaty qalalyq MKD ekonomıkalyq tergeýler qyzmetiniń qyzmetkeri Ysqaqov pen jumyssyz azamattar Álpıev pen Súleımenov talap etilgen 1 mln dollardyń 500 myń dollaryn alý barysynda ustalǵan edi.

«Atalǵan tulǵalardyń barlyǵy da jasaǵan isterin moıyndap, áreketterin tez baıý úshin jasaǵandyqtaryn aıtýda», - dep atap ótedi vedomstvodan.