Qazaqstanda «Ashyq úkimet» platformasy quryldy
Bul týraly QR Tsıfrlyq damý, ınnovatsııa jáne aeroǵarysh ónerkásibi mınıstri Baǵdat Mýsın óziniń Facebook paraqshasynda jazdy, dep habarlaıdy QazAqparat.
Mınıstrdiń jazýynsha, atalmysh joba memlekettiń nemen aınalysatynyn jáne ártúrli jobalardyń qalaı iske asyrylyp jatqanyn bilý jáne ashyqtyǵyn anyqtaý maqsatynda qolǵa alynǵan.
«Ashyq úkimet» platformasy ashyq derekter, ashyq NQA, ashyq dıalog, ashyq bıýdjetter, sondaı-aq memlekettik organdar qyzmetiniń tıimdiligin baǵalaýdan turady. 2021 jylǵy 14 qańtarda saǵat 18:00-de «Astana Hub» bazasynda «brainstorm» konferentsııasy ótedi, onda biz «Ashyq úkimetti» damytý tujyrymdamasyn talqylaımyz. Barlyq nıet bildirýshi azamattardy talqylaýǵa shaqyra otyryp, ashyq úkimetti odan ári damytý úshin usynystardy birge qarastyrǵymyz keledi. Bizdiń mamandar taldaý júrgizip, problemalyq máselelerdi anyqtady. Olardyń sheshimderi servıs jumysyn edáýir jaqsartady. Al bizdiń maqsatymyz servısti barynsha paıdalanýǵa yńǵaıly ári ońaı etip jasaý.
Biz barlyǵyn qabyldaýǵa daıynbyz. Sondyqtan «Ashyq úkimetti» jaqsartý jóninde naqty usynystar engize alatyn jýrnalısterdi, qoǵamdyq uıymdardyń ókilderin, blogerlerdi jáne túrli salanyń mamandaryn qatysýǵa shaqyramyz. Talqylaýǵa qosylý úshin myna https://zoom.us/j/92044191804 siltemesine ótý kerek»,-delingen habarlamada.
