Qazaqstanda altyn baǵasy qandaı

ASTANA. KAZINFORM – Altynnyń bir grammy shamamen 63 096 teńgeni qurap otyr, dep habarlaıdy Kazinform tilshisi. 

QR Ulttyq bankiniń málimetinshe, 11 qyrkúıekte altynnyń grammy 63 095,60 teńge boldy. 

Ótken beısenbi, ıaǵnı 4 qyrkúıekte baǵaly metaldyń quny shamamen 61 426 teńgege jetken. 

Buǵan deıin elimizde 97,8 tonna altyn qory bar jańa 5 ken orny esepke qoıylǵanyn jazǵan bolatynbyz. 

Nege shet memleketter altyn qoryn AQSh-ta saqtaıtynyn myna silteme arqyly oqı alasyz. 

World Gold Council uıymy, ıaǵnı Dúnıejúzilik altyn keńesi Qazaqstannyń altyn qory 7,4 tonnaǵa artqanyn málimdedi. Osylaısha el rezervindegi altynnyń jalpy kólemi 298 tonnadan asqan. 

Altyn quıma qalaı quıylatynyn osy silteme arqyly oqı alasyz. 

Ónerkásip jáne qurylys mınıstrligi elimizdiń paıdaly qazbalarmen qamtamasyz etilý merzimine qatysty jańartylǵan derekterdi jarııalady. Keıingi derekterge sáıkes, qazirgi óndirý kólemin eskersek, elimizdegi altyn qory 30 jylǵa jetedi. 

Ortalyq bankter birinshi toqsanda 244 tonna altyn satyp aldy, bul aldyńǵy toqsanmen salystyrǵanda az. Altyn zergerlik buıymdarǵa suranys ta rekordtyq baǵalar jaǵdaıynda kúrt tómendedi, olardyń kólemi 2020 jyldan bergi eń tómengi deńgeıge jetti. Qundylyq turǵysynan alǵanda, altyn zergerlik buıymdarǵa tutynýshylyq shyǵyndar bir jylmen salystyrǵanda 9%-ǵa ósip, 35 mlrd dollardy qurady.

Qazaqstanda Ulttyq statıstıka bıýrosynyń derekterine sáıkes, 2024 jyly altyn buıymdardyń baǵasy 8,3%-ǵa qymbattaǵan.