Qazaqstanda altyn baǵasy qandaı

ASTANA. KAZINFORM — Altynnyń bir gramy shamamen 58 457 teńgeni qurap otyr, dep habarlaıdy Kazinform tilshisi. 

Qazaqstan Ulttyq bankiniń málimetinshe, 28 tamyzda altyn gramynyń baǵasy 58 456,84 teńgeni qurap otyr.

Ótken beısenbi, 21 tamyzda baǵaly metaldyń quny shamamen 57 888 teńge boldy. 

Buǵan deıin shet memleketter altyn qoryn nelikten AQSh-ta saqtaıtynyn jazǵan bolatynbyz. 

Dúnıejúzilik altyn keńesiniń (World Gold Council) habarlaýynsha, Qazaqstannyń altyn qory 7,4 tonnaǵa artyp, eldiń jalpy altyn qory 298 tonnadan asqan. Halyqaralyq valıýta qory men Eýropalyq ortalyq bankti eseptemegende, Qazaqstan altyn qory boıynsha 18-shi orynda tur.

Eske sala ketsek, Ónerkásip jáne qurylys mınıstrligi elimizdiń paıdaly qazbalarmen qamtamasyz etilý merzimine qatysty jańartylǵan derekterdi jarııalady. Sońǵy málimetterge sáıkes, óndiristiń bar kólemin eskere otyryp, Qazaqstandaǵy altyn qory 30 jylǵa jetedi. 

Astanada banktik altyn quıma qalaı quıylatyny týraly osy jerde oqyńyz. 

Buǵan deıin habarlanǵandaı, Qazaqstanda boljamdy resýrstary bar 38 perspektıvaly ýchaske anyqtaldy.

Dúnıejúzilik altyn keńesiniń (World Gold Council) málimetinshe, 2025 jyldyń birinshi toqsanynda altynǵa jalpy suranys jyldyq mánde 1 paıyzǵa artyp, 1 206 tonnany qurady — bul 2016 jyldyń birinshi toqsanynan bergi eń joǵary kórsetkish.

Ortalyq bankter birinshi toqsanda 244 tonna altyn satyp aldy, bul aldyńǵy toqsanmen salystyrǵanda az.

Altynnan jasalǵan zergerlik buıymdarǵa suranys ta rekordtyq baǵalar jaǵdaıynda kúrt tómendedi, olardyń kólemi 2020 jyldan bergi eń tómengi deńgeıge jetti. Qundylyq turǵysynan alǵanda, altyn zergerlik buıymdarǵa tutynýshylyq shyǵyndar bir jylmen salystyrǵanda 9%-ǵa ósip, 35 mlrd dollarǵa jetti.

Ulttyq statıstıka bıýrosynyń málimetinshe, 2024 jyly altyn buıymdarynyń baǵasy 8,3 paıyzǵa artty.