Qazaqstanda 24,6 mln tonna astyq bastyryldy

ASTANA. KAZINFORM — Elimizdiń óńirlerinde egin jınaý naýqany jalǵasyp jatyr. Dándi jáne dándi-burshaqty daqyldardyń boljamdy jınaý alańy 16 mln gektardan asady.

Aýyl sharýashylyǵy mınıstrligi málimetinshe, búginde 15,1 mln gektar nemese jalpy egis alqaptarynyń 94,1%-y jınaldy. Nátıjesinde 24,6 mln tonna astyq bastyryldy.

Dándi daqyldardan bólek, aýyl sharýashylyǵy taýaryn óndirýshiler 2,1 mln tonna maıly daqyl, gektaryna 228,7 tsentner ónimdilikpen 2,7 mln tonna kartop jáne gektaryna 307,9 tsentner ónimdilikpen 3,6 mln tonna kókónis jınady. Atap aıtqanda, 323,5 ts/ga ónimdilikpen 431 myń tonna qyryqqabat, 440,7 ts/ga ónimdilikpen 1026,8 myń tonna pııaz, sondaı-aq 296,5 ts/ga ónimdilikpen 374,3 myń tonna sábiz jınaldy.

Egin jınaý naýqany uıymdasqan túrde, agrotehnıkalyq talaptarǵa saı merzimde ótip jatyr.

Aıta keteıik, Aqmola oblysynyń ákimi Marat Ahmetjanov Jibek Joly telearnasyndaǵy «Ýáde» baǵdarlamasyna bergen suhbatynda óńirdegi rekordtyq deńgeıdegi astyq shyǵymynyń qupııasyn aıtty.