Qazaqstan jastaryn qandaı máseleler mazalaıdy
«Qazirgi ýaqytta jastardy sapaly jáne qoljetimdi bilim, jumys, baspana, sondaı-aq otbasyn qurý máseleleri jıi mazalaıdy. «Jastar» ǵylymı-zertteý ortalyǵynyń 2018 jyly júrgizgen áleýmettik saýalnamasynyń nátıjesi kórsetkendeı, jastardyń 15% jumysqa ornalasý múmkindikteri mazalaıdy, al 10% - turǵyn úı jaǵdaılaryna alańdaıdy. Dál osy negizgi máselelerdi sheshýge Elbasy basa nazar aýdaryp otyr», - dedi A. Hamıt.
Ol úshin elimizde jastardy jumyspen qamtýǵa baǵyttalǵan sharalardy kúsheıtý kerek.
«Jumys izdep júrgen jastarǵa kómek kórsetetin eńbek bırjalarynyń, jastar resýrstyq ortalyqtarynyń jumysyn ońtaılandyrý qajet. Eńbek naryǵynda jastarǵa qoldaý kórsetýge mamandanatyn jastar uıymdarynyń júıeli jarnama naýqanyna kóńil bólý qajet, sebebi jastar olardyń jumys baǵyttary týraly kóp bile bermeıdi», - deıdi áleýmettanýshy.
Sondaı-aq, zertteýshi Jastar jylyna oraı kóptegen salalarda jastarǵa arnaıy qamqorlyq kórsetýdi usyndy.
«Jastar elimizde halyq sanynyń shamamen tórtten bir bóligin quraıdy. Olar qoǵam ómiriniń barlyq salalarynda eńbek etip, úles qosyp júr. Óndiris-ónerkásipte, kásipkerlikte, aýyl sharýashylyǵynda, ǵylymda, ónerde, volonterlik, týrızm, densaýlyq saqtaý men sport jáne basqa salalarda jastardy qoldaý memlekettik saıasattyń basym baǵytyna aınalýy tıis. Ásirese Elbasynyń jas ǵalymdardy qoldaý jónindegi bastamasy óte mańyzdy. Bıyl jas ǵalymdarǵa arnaıy qarjylyq qoldaý qory qurylyp, irgeli jáne qoldanbaly ǵylymnyń damýyna 3 mlrd teńge bólinedi. Bul - ǵylym jolyn qýǵan jastar úshin úlken múmkindik», - deıdi Aıdar Hamıt.
