Prezıdent elshilerdi taǵaıyndady
ASTANA. KAZINFORM – Memleket basshasy elshilerdi taǵaıyndady. Bul týraly Aqordanyń baspasóz qyzmeti habarlady.
Memleket basshysynyń Jarlyǵymen:
Roman ıÝrevıch Vasılenko Qazaqstan Respýblıkasynyń Belgııa Koroldigindegi Tótenshe jáne Ókiletti Elshisi, Eýropa Odaǵynyń janyndaǵy jáne Soltústik Atlant Sharty uıymyndaǵy (NATO) Qazaqstan Respýblıkasy Ókildiginiń Basshysy bolyp taǵaıyndaldy, ol burynǵy atqarǵan laýazymynan bosatyldy;
Erjan Irakuly Elekeev Qazaqstan Respýblıkasynyń Kýveıt Memleketindegi Tótenshe jáne Ókiletti Elshisi laýazymyna taǵaıyndaldy.
Memleket basshysynyń Jarlyǵymen:
Marǵulan Baqytuly Baımuhan Qazaqstan Respýblıkasynyń Belgııa Koroldigindegi Tótenshe jáne Ókiletti Elshisi, Eýropa Odaǵynyń janyndaǵy jáne Soltústik Atlant Sharty uıymyndaǵy (NATO) Qazaqstan Respýblıkasy Ókildiginiń Basshysy, Qazaqstan Respýblıkasynyń Lıýksembýrg Uly Gertsogtigindegi Tótenshe jáne Ókiletti Elshisi qyzmetin qosa atqarýshy laýazymdarynan bosatyldy;
Azamat Rahmanqululy Berdibaı Qazaqstan Respýblıkasynyń Kýveıt Memleketindegi Tótenshe jáne Ókiletti Elshisi laýazymynan bosatyldy;
Arman Asqaruly Isetov Qazaqstan Respýblıkasynyń Taıland Koroldigindegi Tótenshe jáne Ókiletti Elshisi laýazymynan bosatyldy.
Roman ıÝrevıch Vasılenko – Qazaqstan Respýblıkasynyń Belgııa Koroldigindegi Elshisi, Qazaqstan Respýblıkasynyń Eýropa odaǵy jáne Soltústik Atlant sharty uıymy janyndaǵy Ókildiginiń basshysy.
1972 jylǵy 14 tamyzda Shymkent qalasynda týǵan.
1994 jyly Reseı Federatsııasy Qarýly kúshteriniń Ekonomıka, qarjy jáne quqyq áskerı akademııasyn úzdik bitirgen.
Eńbek jolyn Qazaqstan Respýblıkasy Prezıdenti Apparaty Halyqaralyq bóliminiń bas mamany retinde bastady. Sondaı-aq QR Premer-mınıstriniń keńsesinde, QR Memlekettik hatshysynyń hatshylyǵynda jáne basqa mekemelerde jumys istedi.
QR Syrtqy ister mınıstrliginde Erekshe tapsyrmalar jónindegi elshi, Halyqaralyq aqparat komıtetiniń tóraǵasy boldy. Ártúrli jyldary Qazaqstannyń Ulybrıtanııa men Amerıka Qurama Shtattaryndaǵy elshilikterinde dıplomatııalyq laýazymdarda qyzmet atqardy. 2016-2019 jyldary QR Syrtqy ister mınıstriniń orynbasary qyzmetin atqardy, al 2019 jyldan bastap 2022 jylǵa deıin Qazaqstannyń Slovakııadaǵy Elshisi boldy. Qazaqstannyń Belgııadaǵy Elshisi, EO jáne NATO janyndaǵy QR Ókildiginiń basshysy bolyp taǵaıyndalǵanǵa deıin 2022 jylǵy qańtardan bastap QR Syrtqy ister mınıstriniń orynbasary laýazymynda boldy.
Tótenshe jáne Ókiletti Elshi dıplomatııalyq dárejege ıe.
Aǵylshyn, frantsýz, slovak jáne vetnam tilderin meńgergen.
Erjan Irakuly Elekeev – Qazaqstan Respýblıkasynyń Kýveıt Memleketindegi Elshisi.
1986 jylǵy 2 sáýirde Aqtaý qalasynda dúnıege kelgen.
2007 jyly Qazaqstan-Brıtan tehnıkalyq ýnıversıtetin bitirgen.
2011 jyly Glazgo ýnıversıtetinde magıstr dárejesin aldy.
Eńbek jolyn 2007 jyly «QazMunaıGaz» Barlaý Óndirý» AQ Investorlarmen baılanys departamentiniń mamany retinde bastady. Ártúrli jyldary «Samuryq-Qazyna» qory júıesinde bas menedjer, blok jetekshisi, transformatsııa jobalary portfelin basqarý jónindegi dırektor laýazymdarda jumys istedi.
2020-2023 jyldar aralyǵynda «Ekonomıkalyq zertteýler ınstıtýty» AQ-nyń saraptamalyq-taldamalyq toby basshysynyń orynbasary, «Alfa-Bank Qazaqstan» AQ jobalyq keńsesiniń dırektory, sondaı-aq «Báıterek» UBH» AQ-nyń aktıvterdi basqarý jáne jobalarmen jumys jónindegi basqarýshy dırektory qyzmetterin atqardy.
Qazaqstannyń Kýveıttegi Elshisi bolyp taǵaıyndalǵanǵa deıin 2024 jylǵy naýryzdan bastap «Kazakh Invest» UK» AQ basqarma tóraǵasy laýazymyn atqardy. Aǵylshyn tilin meńgergen.
Aıta keteıik, Shvetsııa elshisi Qazaqstandy kólikpen saıahattady.