Qasym-Jomart Toqaev pen Shavkat Mırzıeev qandaı qujattarǵa qol qoıdy

TAShKENT. KAZINFORM —  Prezıdentter kelissózderdiń jáne Qazaqstan men Ózbekstan Joǵary memleketaralyq keńesi ekinshi otyrysynyń qorytyndysy boıynsha Birlesken málimdeme qabyldady. Bul týraly Aqordanyń baspasóz qyzmeti habarlady. 

Qasym-Jomart Toqaev pen Shavkat Mırzıeev kelesi qujattarǵa qol qoıdy:

1. Joǵary memleketaralyq keńestiń Qazaqstan Respýblıkasy men Ózbekstan Respýblıkasy óńirleri basshylarynyń keńesin qurý týraly sheshimi;

2. Joǵary memleketaralyq keńestiń geologııa jáne sırek kezdesetin metaldardy óndirý jónindegi jumys tobyn qurý týraly sheshimi;

3. Joǵary memleketaralyq keńestiń transshekaralyq ózenderdiń sý deńgeıin boljaý boıynsha ekijaqty jumys tobyn qurý týraly sheshimi;

Sondaı-aq memleketter basshylarynyń qatysýymen mynadaı úkimetaralyq jáne vedomstvoaralyq qujattardy almasý rásimi ótti:

4. Qazaqstan Respýblıkasy Úkimeti jáne Ózbekstan Respýblıkasy Úkimeti arasynda Qazaqstan Respýblıkasy men Ózbekstan Respýblıkasynyń azamattyq maqsattaǵy jerústi radıo qyzmetteri paıdalanatyn radıojıilik ıelenimderin shekara mańy aımaqtarynda úılestirý týraly kelisim;

5. Qazaqstan Respýblıkasy Úkimeti men Ózbekstan Respýblıkasy Úkimeti arasyndaǵy birlesken áskerı oqý-jattyǵýlar ótkizý týraly kelisim;

6. Qazaqstan Respýblıkasy Úkimeti men Ózbekstan Respýblıkasy Úkimeti arasyndaǵy transshekaralyq sý obektilerin birlesip basqarý jáne paıdalaný týraly kelisim;

7. Qazaqstan Respýblıkasy Úkimeti jáne Ózbekstan Respýblıkasy Úkimeti arasynda Qazaqstan Respýblıkasy men Ózbekstan Respýblıkasy keden qyzmetteriniń ókildikterin ashý týraly kelisim;

8. Qazaqstan Respýblıkasy Ádilet mınıstrligi men Ózbekstan Respýblıkasy Ádilet mınıstrligi arasyndaǵy yntymaqtastyqtyń 2026 - 2027 jyldarǵa arnalǵan baǵdarlamasy;

9. Qazaqstan Respýblıkasy Ónerkásip jáne qurylys mınıstrligi men Ózbekstan Respýblıkasy Taý-ken ónerkásibi jáne geologııa mınıstrligi arasyndaǵy taý-ken ónerkásibi salasyndaǵy yntymaqtastyqty damytý týraly ózara túsinistik jónindegi memorandým;

10. Birlesken ınvestıtsııalyq platforma qurý týraly negizdemelik kelisim;

11. Qazaqstan Respýblıkasy Densaýlyq saqtaý mınıstrligi men Ózbekstan Respýblıkasy Densaýlyq saqtaý mınıstrligi arasyndaǵy «Gamma-pyshaq» stereotaksıkalyq radıohırýrgııalyq emdeý tehnologııasyn qoldana otyryp, mamandandyrylǵan medıtsınalyq kómek kórsetý salasyndaǵy yntymaqtastyq týraly memorandým;

12. Qazaqstan Respýblıkasy «Áleýmettik medıtsınalyq saqtandyrý qory» kommertsııalyq emes aktsıonerlik qoǵamy men Ózbekstan Respýblıkasy Memlekettik medıtsınalyq saqtandyrý qory arasyndaǵy memlekettik jáne mindetti áleýmettik medıtsınalyq saqtandyrý salasyndaǵy ózara túsinistik pen yntymaqtastyq týraly memorandým;

13. Qazaqstan Respýblıkasy Týrızm jáne sport mınıstrligi Týrızm ındýstrııasy komıteti men Ózbekstan Respýblıkasy Ekologııa, qorshaǵan ortany qorǵaý jáne klımattyń ózgerýi mınıstrligi Týrızm komıteti arasynda týrızm salasyndaǵy yntymaqtastyqtyń 2026 - 2027 jyldarǵa arnalǵan birlesken is-qımyl jospary;

14. Astana qalasy ákimdigi men Tashkent qalasy hokımııaty arasyndaǵy yntymaqtastyq týraly kelisim;

15. «QazMunaıGaz» UQ AQ men «ÓzbekMunaıGaz» AQ arasyndaǵy munaı-gaz hımııasy salasyndaǵy jobalardy birlesip iske asyrý týraly negizdemelik kelisim;

16. «QazMunaıGaz» UQ AQ men «ÓzbekMunaıGaz» AQ arasyndaǵy «Jarqyn» barlaý jobasy boıynsha qaǵıdattar týraly kelisim;

17. «Assambleıa jastary» respýblıkalyq qoǵamdyq birlestigi men Ózbekstan Jastar odaǵy arasyndaǵy yntymaqtastyq týraly memorandým.

Aıta ketelik Qasym-Jomart Toqaevqa Ózbekstannyń eń joǵary memlekettik nagradasy tabystaldy.