Qazaqstan men Germanııa arasyndaǵy saýda kólemi 41% ulǵaıdy
ASTANA. KAZINFORM – Elordada Berlın Eýrazııalyq klýbynyń mereıtoılyq 40-otyrysy ótip jatyr. Kóptegen jyldar boıy bul klýb ekijaqty kún tártibindegi negizgi máseleler boıynsha saraptamalyq dıalog úshin mańyzdy alań bolyp keledi.
QR Premer-Mınıstriniń birinshi orynbasary Roman Sklıar eki el arasyndaǵy ekonomıkalyq qatynastar tabysty damyp jatqanyn atap ótti.
«Qazaqstan Prezıdenti Qasym-Jomart Toqaevtyń Germanııaǵa jáne Federaldyq prezıdent Frank -Valter Shtaınmaıerdiń ótken jyly Qazaqstanǵa jasaǵan saparlary elderimizdiń iskerlik yntymaqtastyǵyna eleýli serpin berdi. Ekonomıkalyq qatynastardy odan ári nyǵaıtý úshin barlyq deńgeılerde belsendi dıalogty jalǵastyrý mańyzdy dep sanaımyz», - dedi R. Sklıar AHQO-da Berlın Eýrazııalyq klýbynyń otyrysynda.
Germanııa – Qazaqstannyń EO-daǵy mańyzdy saýda-ekonomıkalyq jáne ınvestıtsııalyq seriktesi. Ótken jyldyń qorytyndysy boıynsha ózara saýda kólemi 41 paıyzǵa ósip, 4 mlrd AQSh dollaryna jetti.
«Bıyl da ósý úrdisi jalǵasýda – qańtar-aqpan aılarynda ózara tıimdi saýda kólemi taǵy 34 paıyzǵa ósti. Bizdiń respýblıkamyzdaǵy ınvestıtsııalardyń joǵary saıası turaqtylyǵy men qaýipsizdigin moıyndaýdyń mańyzdy belgisi – Germanııa Federaldy úkimetiniń Qazaqstandy ınvestıtsııalyq kepildikter jeńildikpen beriletin 34 memlekettiń tizimine qosýy boldy. Sońǵy jyldary Qazaqstan Germanııanyń 50 jetekshi syrtqy saýda seriktesteriniń tizimine enip, birden 10 pozıtsııaǵa kóterildi», - deıdi R. Sklıar.
R. Sklıar ınvestıtsııalyq yntymaqtastyqta da erekshe perspektıvalar ashylyp jatqanyn atap ótti.
«Bizdiń ınvestıtsııalyq ózara is-qımylymyz joǵary qosylǵan quny bar jańa sapaly jobalarmen nyǵaıtylatyny qýantady. Bul baǵyttaǵy seriktestiktiń jarqyn mysaldary – CLAAS, Knauf, Heidelberg Materials, Henkel, Linde jáne t.b. sııaqty iri nemis kompanııalarynyń tabysty jobalary. Áıtse de, saýda-ekonomıkalyq yntymaqtastyqta qolda bar zor áleýet áli ashylǵan joq dep sanaımyz. Sondyqtan Qazaqstan Úkimeti ózara tıimdi, kópjosparly Qazaqstan-Germanııa ekonomıkalyq ózara is-qımyldaryn odan ári arttyrýǵa daıyn», - dedi R. Sklıar.
