Qazaqstan kınosynyń kúnderi aýyldan bastaldy

ASTANA.KAZINFORM - Qazaqstan kınosy kúnderiniń ashylý saltanaty Soltústik Qazaqstan oblysy Ǵabıt Músirepov aýdanynyń Novoıshımskoe aýylynda ótti. Bul týraly Mádenıet jáne aqparat mınıstrligi habarlady.

Jobanyń basty maqsaty – ulttyq kınony elimizdiń barlyq óńirleriniń turǵyndaryna, sonyń ishinde shalǵaı eldi mekenderge de qoljetimdi etý. Ashylý saltanatynda bolǵan oqıǵalarǵa negizdelgen, Halyq Qaharmany, polıtsııa kapıtany Ǵazız Baıtasovtyń erligine arnalǵan «Kapıtan Baıtasov» fılmi kórsetildi.

Apta boıy óńir turǵyndary memleket qoldaýymen túsirilgen úzdik qazaqstandyq fılmderdi tamashalaı alady. Sondaı-aq, oblysta aýdandyq kreatıvti IT-ortalyq – «Digital Zerde» bazasynda Tsıfrlyq mýzeı ashyldy. Atalǵan mýzeı – aýdan tarıhyn zamanaýı tehnologııalar arqyly tanystyratyn ınteraktıvti keńistik.

Joba aýyldarda tsıfrlyq jáne kreatıvti ınfraqurylymdy damytýǵa baǵyttalǵan Digital Aimaq bastamasynyń bir bóligi.

Ótken jyly Kıno kúnderi aıasyndaǵy kórsetilimder elimizdiń barlyq óńirinde ótip, shamamen 2 mıllıon kórermendi qamtydy. Bıyl joba jalǵasyn taýyp, Qazaqstannyń tarıhy, mádenıeti men rýhanı qundylyqtaryn arqaý etken fılmderdi ózge óńirlerde de usynatyn bolady.

Buǵan deıin jyl saıynǵy kınojobalar konkýrsynda bıyl qandaı taqyryptarǵa basymdyq berilgenin jazǵan bolatynbyz.

Ulttyq ortalyq mýzeıde sırek kınojádigerler kórmesi ashyldy.