Qazaqstan qaı elderge et eksporttaıdy

ASTANA. QazAqparat – Ótken jyly et eksporty 28,7 myń tonnany qurap, keıingi 10 jyldaǵy rekordtyq kórsetkishke jetti. Bul týraly Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat.

«Pandemııaǵa deıin –2019 jyly aýsyldan ada mártebesi bolǵan kezeńde et eksporty 9,7 myń tonnany qurady, onyń ishinde Qytaıǵa – 3,6 myń tonna, Reseıge – 2,1 myń tonna jáne Iranǵa 2,3 myń tonna et eksporttaldy. 2022 jyldyń qorytyndysy boıynsha soltústik-batys óńirlerde aýsyldan ada mártebe bolmaǵanyna qaramastan, Ózbekstanǵa, Birikken Arab Ámirlikterine jáne Qyrǵyzstanǵa eksportty qaıta baǵdarlaı aldyq jáne eksport kólemin 2,9 esege arttyrdyq», – dedi E. Qarashókeev Úkimet otyrysynda.

Nátıjesinde ótken jyly et eksporty 28,7 myń tonnaǵa jetken, bul sońǵy 10 jyldaǵy rekordty kórsetkish.

«Bul úrdis aǵymdaǵy jyly da saqtalýda. Ózbekstanǵa shyǵarylǵan et eksporty 134 ese, al Birikken Arab Ámirlikterine 8 ese artty», – dedi mınıstr.