Qazaqstan fermerler odaǵy referendýmdy qoldaıdy
ASTANA. 13 qańtar. QazAqparat /Qanat Mámetqazyuly/ - Qazaqstan fermerleri Qazaqstan Prezıdenti N. Nazarbaevtyń ókilettiligin uzartýdy qoldaıdy. Bul týraly búgin elordada Qazaqstan fermerler odaǵynyń vıtse-prezıdenti Aqjol Ábdýlákimov málim etti.
«Qazaqstannyń fermerlik nemese sharýa qojalyqtarynda shamamen 2 mıllıonnan astam adam eńbek etedi. Biz Qazaqstannyń Tuńǵysh Prezıdenti - Elbasy N. Nazarbaevtyń ókilettik merzimin uzartý týraly referendým ótkizý bastamasyn qoldaımyz. Prezıdent ózi bastaǵan sharalardy aıaǵyna deıin atqarýy kerek, sol úshin prezıdenttik ókilettigin uzartý kerek. Budan bólek, Prezıdent táýelsizdiktiń alǵashqy jylynan-aq keńsharlar men ujymsharlardy taratyp, olardyń bazasynda sharýa qojalyqtaryn quryp, elimizdiń osy salasynyń órkendeýine eren eńbek sińirdi», - dedi odaqtyń vıtse-prezıdent.
Sonymen qatar, A. Ábdýlákimov Elbasy saıasatynyń arqasynda sharýagerlerdiń múddesin qorǵaý baǵytynda barlyq sharalar atqarylyp jatqanyn aıtyp, bul baǵytta «Sharýa jáne fermerlik qojalyqtar týraly» zańnyń qabyldanǵanyn atap ótti.
