Qazaqstan CAPSCA kelisimine qosyldy
NUR-SULTAN. QazAqparat - Qazaqstan Azamattyq avıatsııada qoǵamdyq densaýlyq saqtaý salasyndaǵy oqıǵalardyń aldyn-alý jáne ony basqarý jónindegi yntymaqtastyq kelisimge (CAPSCA) qosyldy, dep habarlaıdy QazAqparat.
«Biraz ýaqyttan beri QR Indýstrııa jáne ınfraqurylymdyq damý mınıstrliginiń Azamattyq avıatsııa komıteti, «Qazaqstannyń avıatsııalyq ákimshiligi» AQ-y IKAO jáne DDCU sarapshylarymen áýe kóligi arqyly aýrýdyń taralý máseleleri boıynsha birlesip jumys isteýde. Nátıjesinde Qazaqstanǵa aýrýdyń taralý qaýpine qarsy kúres úshin IKAO men DDSU qurǵan erikti halyqaralyq organ - CAPSCA-ǵa qosylý usynyldy. Bul avıatsııalyq qaýipsizdikti jetildirý úshin eldiń avıatsııalyq bılik oryndary júrgizetin qyzmettiń az ǵana bóligi. Júrgizilgen jumystardyń jıyntyǵy Halyqaralyq uıymnyń avıatsııalyq qaýipsizdik salasynda qol jetkizgen jetistikterin moıyndaý boldy», - dep atap ótedi Indýstrııa mınıstrliginen.
Vedomstvo málimetinshe, búgingi tańda CAPSCA mamandary azamattyq avıatsııanyń jolaýshylar tasymalyn qalpyna keltirý jáne COVID-19 taralýy jaǵdaıynda áýe kemeleri ekıpajdarynyń ushýdy qaýipsiz oryndaýyn qamtamasyz etý sharalaryn talqylaýda. Ushýlardy úzdiksiz oryndaýdy qoldaý boıynsha CAPSCA keńesi turaqty túrde onlaın rejıminde azamattyq avıatsııada múddeli taraptarmen DDSU-men, qoǵamdyq densaýlyq saqtaý organdarymen jáne IKAO úılestirýshilerimen tyǵyz yntymaqtastyqta ótkiziledi. Qazaqstannyń avıatsııalyq ákimshiligi osy forýmdarǵa qatysý úshin medıtsınalyq qyzmetkerleriniń birin jáne jedel sarapshyny taǵaıyndady.
