Qazaqstan bedeldi týrıstik marapatqa usynyldy
ASTANA. KAZINFORM — Qazaqstan jyl saıynǵy bedeldi «Wanderlust Reader Travel Awards» syılyǵyna úmitkerler tizimine endi, dep habarlaıdy Kazakh Tourism baspasóz qyzmeti.
Bizdiń elimiz «Eń suranysqa ıe jańa baǵyt» sanatynda usynyldy.
Ulybrıtanııanyń tanymal «Wanderlust» týrıstik basylymy jyl saıyn álemdegi eń shabyttandyratyn jáne tartymdy týrıstik baǵyttardy, saıahat salasyndaǵy úzdik servıster men qyzmetterdi anyqtaıdy. Ótken jyly Qazaqstan «Eń suranysqa ıe jańa baǵyt» sanatynda úzdik bestikke endi.
— Bıylǵy daýys berý ashyldy jáne nıet bildirýshiler Qazaqstandy perspektıvalyq týrıstik baǵyt retinde qoldaı alady. Árbir daýys mańyzdy jáne oǵan qatysý úshin myna osy silteme boıynsha ótý qajet. Bul saıtqa kirý VPN arqyly qosylýdy qajet etýi múmkin ekenin eskerý qajet, — delingen kompanııa taratqan habarlamada.
Aıta keteıik, daýys berý 2025 jyldyń 17 qazanyna deıin jalǵasady. Syılyqtyń jeńimpazdary onlaın-daýys berý qorytyndysy boıynsha anyqtalady jáne bıylǵy qarasha aıynda Londonda jarııalanady.
Buǵan deıin Memleket basshysy Úkimetke tez arada eldegi barlyq týrıstik baǵyttyń jaǵdaıyn rettep, olqylyq jibergen jaýaptylardy jazalaýdy tapsyrǵan edi. Kýrorttyq aımaqtardy ınspektsııalaý jumysy nátıjesinde sharalar qabyldanyp, birqatar laýazymdy tulǵalar jaýapkershilikke tartyldy.