Qazaqstan áskerinde jańa qyzmet paıda boldy

ASTANA. KAZINFORM – Áskerı bólimderdegi beınebaqylaý kameralaryn baqylap, saraptaıtyn jańa qyzmet túri engizildi. Bul týraly Qorǵanys mınıstrliginiń ókili, polkovnık Tileýhan Basqojaev málim etti.

- Qorǵanys mınıstrligi áskerı bólimderde beınebaqylaý kameralaryn ornatýmen shektelmeı, qazir kezekshi bólimderde qosymsha laýazym engizildi. Olar beınebaqylaý kameralaryn saraptap, qarap otyrady, ıaǵnı jaǵdaıdy baqylap, baıandaıdy, - dedi Tileýhan Basqojaev ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, áskerı bólimderdiń 60-70 paıyzynda operator laýazymy bar.

Buǵan deıin habarlaǵanymyzdaı áskerdegi tártip buzýshylyqtyń 70-80% beınebaqylaý kamerasynyń kómegimen anyqtalady.

Aıta keteıik, otandyq áskerde ólim-jitim toqtamaı tur, bir apta buryn Saryózekte (Jetisý oblysy) qatardaǵy jaýynger oqý-jattyǵý kezinde mert boldy.

Sonymen qatar brıfıng barysynda áskerde sarbazdardan aqsha jınaý máselesi kóterildi.