Qazaqstan áskerıleri Ulybrıtanııadaǵy bitimgershiler operatsııasyna qatysty
QR Qorǵanys mınıstrliginiń baspasóz qyzmeti habarlaýynsha, Qazaqstan, Ulybrıtanııa, AQSh, Tájikstan men Qyrǵyzstannyń áskerı qyzmetshileri bir birlesken operatsııany ótkizý úshin birikti. Qatysýshylar birneshe topqa bólindi. Stsenarıı boıynsha negizgi tapsyrmalar - ol izgilik kómek kórsetýdi uıymdastyrý boıynsha is-sharalar, shekara baqylaýy, qoǵamdyq tártipsizdikke den qoıý. Sharttary - shynaıyǵa barynsha jaqyndatylǵan.
«Dala qyrany-2016» oqý-jattyǵýyna qatysatyn shamamen 650 áskerı qyzmetshi úshin bul apta osyndaı ahýaldyq úıretetin jattyǵýlarda jumys jasaýmen este qaldy. Stsenarıı beıbitshilik pen qaýipsizdikti qoldaý jónindegi shynaıy bitimgershilik operatsııalar tájirıbesinde negizdelgen. Jalpy alǵanda, oqý-jattyǵýdyń negizgi tapsyrmalary beıbitshilikti qoldaý, júkterdi aıdaýyldaý, baqylaý-ótkizý pýnktterinde jumys jasaý boıynsha operatsııalardyń barlyq aspektileri men erekshelikterin pysyqtaýdan turady. Esterińizge sala keteıik, elimizdiń Qarýly Kúshterinen «Dala qyrany» oqý-jattyǵýyna qazaqstandyq «QAZBRIG» bitimgershilik brıgadasy qatysady. Qazirgi ýaqytta BUU beıbitshilikti qoldaý jóninde 16 operatsııany júzege asyryp jatqanyn aıta ketken jón. Beıbitshilik pen qaýipsizdikti qoldaý jónindegi eki mıssııada Batys Saharasy (MINURSO) men Kot-d'Ivýarda (UNOCI) áskerı baqylaýshylar retinde QR QK-niń tórt áskerı qyzmetshisi qyzmet atqaryp jatyr. Taǵy da jeti ofıtserimiz mıssııadan oralyp úlgerdi. 
